Home » National News » Latest News » National » Additional SP of UP ATS Rajesh Sahni found dead in Mysterious circumstances

યુપી ATSના ASP રાજેશ સાહનીએ કર્યું સુસાઇડ, પિસ્તોલથી મારી ગોળી

Divyabhaskar.com | Updated - May 29, 2018, 03:04 PM

ઉત્તર પ્રદેશ એટીએસના એડિશનલ એસપી રાજેશ સાહનીએ મંગળવારે સર્વિસ પિસ્તોલથી ગોળી મારી આત્મહત્યા કરી દીધી

  • Additional SP of UP ATS Rajesh Sahni found dead in Mysterious circumstances
    +1બીજી સ્લાઈડ્સ જુઓ
    એટીએસના હેડક્વાર્ટરમાં તહેનાત હતા એડિશનલ એસપી રાજેશ સાહની. (ફાઇલ)

    લખનઉઃ ઉત્તર પ્રદેશ એટીએસના એડિશનલ એસપી રાજેશ સાહનીએ મંગળવારે સર્વિસ પિસ્તલથી ગોળી મારી આત્મહત્યા કરી દીધી. એડીજી કાયદો-વ્યવસ્થા આનંદ કુમારે જણાવ્યું કે પોલીસ ટીમ હેડક્વાર્ટર સ્થિત તેમના રૂમમાં પહોંચ્યા તો સાહની જમીન પર પડ્યા હતા અને માથામાં ગોળી વાગેલી હતી. ઘટના લગભગ બપોરે 1 વાગ્યે બની. ઘટનાસ્થળેથી કોઈ સુસાઇડ નોટ નથી મળી. આત્મહત્યાના કારણો જાણવા માટે તપાસ કરવામાં આવી રહી છે. ઉલ્લેખનીય છે કે, એટીએસમાં રહેતા સાહનીએ આતંકીઓની વિરુદ્ધ અનેક મોટા ઓપરેશનને લીડ કર્યા.

    આઈએસઆઈ એજન્ટને પકડવામાં હતા સામેલ

    - મળતી જાણકારી મુજબ, ઉત્તર પ્રદેશ પોલીસમાં રાજેશ સાહનીની ગણતરી કાબેલ અધિકારીઓમાં થતી હતી. ગયા સપ્તાહે તેઓ આઈએસઆઈ એજન્ટની ધરપકડના ઓપરેશનમાં સામેલ હતા. આ ઉપરાંત એટીએસમાં કાર્યરત હતા તે સમયે સાહનીએ અનેક મોટા ઓપરેશનને પાર પાડ્યા હતા.

    - નોંધનીય છે કે, રાજેશ સાહની 1992માં પીપીએસ સેવામાં આવ્યા હતા. 2013માં તેઓ એડિશનલ પોલીસ અધીક્ષકના પદ પર પ્રમોટ થયા હતા.

    એએસપી સાહનીએ ડ્રાઇવર પાસે મંગાવી હતી પિસ્તોલ

    - પોલીસ સૂત્રો દ્વારા મળતી માહિતી મુજબ, સાહનીએ પોતાના ડ્રાઇવર પાસે પિસ્તોલ મંગાવી હતી અને ત્યારબાદ હેડક્વાર્ટરમાં પોતાની જાતને ગોળી મારી દીધી.

    - તેઓએ આ નિર્ણય કેમ લીધો તેને લઈને હજુ કોઈ પુરાવા નથી મળ્યા.

  • Additional SP of UP ATS Rajesh Sahni found dead in Mysterious circumstances
    ફાઇલ ફોટો
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending