Divya Bhaskar

Home » National News » Desh » Pankaj Gupta, District Treasurer of Lohardaga BJP was shot dead

લોકો દેખતા રહ્યા અને તેઓ માથા અને છાતીમાં મારતા રહ્યા ગોળી, CCTVમાં કેદ થયું મર્ડર

Divyabhaskar.com | Updated - Mar 13, 2018, 04:04 PM

પિસ્કા રેલવે ક્રોસિંગ નજીક ગોળી મારીને લોહરદગા બીજેપીના જિલ્લા કોષાધ્યક્ષ પંકજ ગુપ્તાની હત્યા કરી દેવામાં આવી છે

  • સમગ્ર ઘટના સીસીટીવીમાં કેદ થઈ ગઈ

    રાંચી: નગડી પોલીસ સ્ટેશનના પિસ્તા રેલવે ક્રોસિંગ પાસે લોહરદગા બીજેપીના જિલ્લા કોષાધ્યક્ષ પંકજ ગુપ્તાની હત્યા કરી દેવામાં આવી છે. બાઈક પર આવેલા અજાણ્યા શખ્સોએ પંકજ ગુપ્તાને ગોળી મારી દીધી હતી. તેઓ ગોળી મારીને ભાગી ગયા હતા પરંતુ સમગ્ર ઘટના સીસીટીવીમાં કેદ થઈ ગઈ હતી. સ્થાનિક લોકોએ રસ્તો જામ કરીને ઘટનાનો વિરોધ કર્યો હતો. પોલીસે ઘણાં સમજાવ્યા પછી તેઓ રસ્તાપરથી હટ્યા હતા.

    ચા પી રહ્યા હતા દુકાન પર


    - પંકજ ગુપ્તાએ પિસ્કા નગરીમાં જમીન લઈ રાખી છે. છેલ્લા ત્રણ દિવસોથી તેઓ અહીં જમીનની વાડ કરાવવા માટે આવી રહ્યા હતા. રવિવારે પણ તેઓ એક ટ્રેનમાંથી ઉતરીને અહીં એક દુકાનમાં ચા પીવા માટે આવ્યા હતા.
    - આ દરમિયાન બે બાઈક સવાર લોકો ઘટના સ્થળે પહોંચ્યા અને તેમણે પંકજને પાછળથી ગોળી મારી દીધી હતી. આરોપીઓમાંથી એક વ્યક્તિએ હેલમેટ પહેરીને રાખી હતી.
    - ગોળી વાગતા જ પંકજ જમીન પર પડી ગયો હતો. ત્યારપછી હેલમેટ પહેરેલા યુવકે તેને 3 ગોળી મારી હતી જેમાંથી 2 તેને વાગી હતી.
    - ઘટના પછી બાઈક સવાર બંને આરોપી ભાગી ગયા હતા. પોલીસ દુકાનમાં લાગેલા સીસીટીવી કેમેરાના આધારે આરોપીઓને શોધી રહ્યા છે.

    પરિવારજનો પહોંચ્યા ઘટના સ્થળે


    - સ્થાનિક લોકોએ તુરંત ઘટનાની માહિતી પોલીસને આપી હતી. પોલીસે ઘટના સ્થળપર પહોંચીને તપાસ શરૂ કરી પરંતુ તે દરમિયાન લોકોમાં ખૂબ આક્રોશ જોવા મળ્યો હતો.
    - ગુસ્સે થયેલા સ્થાનિક લોકોએ રસ્તો રોકી લીધો હતો અને તેમણે પોલીસ ઈનચાર્જ અને ડીએસપીને હટાવવાની માગણી કરી હતી. ઘટનાની માહિતી મળતાં જ મૃતકના પરિવારજનો ઘટના સ્થળે આવી ગયા હતા.
    - ઘટના સ્થળે પહોચેલી પોલીસે લોકોને ખૂબ સમજાવ્યા અને ત્યારપછી મૃતદેહને પોસ્ટમોર્ટમ માટે મોકલી આપ્યો હતો.

    CMએ કહ્યું- આરોપીઓની તુરંત ધરપકડ કરો


    - લોહરદગા જિલ્લા ભાજપા કોષાધ્યક્ષ પંકજ ગુપ્તાની હત્યા વિશે મુખ્યમંત્રી રઘુવર દાસે શોક વ્યક્ત કરતા ડીજીપીને આદેશ આપ્યો હતો કે હત્યારાઓની તુરંત ધરપકડ કરી લેવામાં આવી હતી. તેમણે રાંચીના એસએસપીને ફોન કરીને સમગ્ર ઘટનાની માહિતી લીધી હતી. સીએમએ કહ્યું હતુ કે, દુખની આ ઘડીમાં ભાજપ પરિવાર તેમના પરિવારજનો સાથે છે. પાર્ટી દરેક સ્તરે તેમના પરિવારની મદદ કરશે.

    આગળની સ્લાઈડમાં જુઓ સંબંધિત તસવીરો

  • Pankaj Gupta, District Treasurer of Lohardaga BJP was shot dead
    +2બીજી સ્લાઈડ્સ જુઓ
    બાઈક પર આવેલા અજાણ્યા શખ્સોએ પંકજ ગુપ્તાને ગોળી મારી દીધી
  • Pankaj Gupta, District Treasurer of Lohardaga BJP was shot dead
    +1બીજી સ્લાઈડ્સ જુઓ
    ગોળી વાગતા જ પંકજ જમીન પર પડી ગયા હતા
  • Pankaj Gupta, District Treasurer of Lohardaga BJP was shot dead
    લોહરદગા બીજેપીના જિલ્લા કોષાધ્યક્ષ પંકજ ગુપ્તાની હત્યા કરી દેવામાં આવી
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending