1

Divya Bhaskar

Home » National News » Desh » 9th std girl student molested whole night in the truck cabin by 4 men in Bihar

ટ્રકની કેબિનમાં રાતભર ધો-9ની વિદ્યાર્થિની સાથે કર્યો ગેંગરેપ, તે ચીસો પાડતી રહી

Divyabhaskar.com | Last Modified - Apr 17, 2018, 07:00 AM IST

ટ્રકની કેબિનમાં રાત આખી છોકરી પર ગેંગરેપ કરવામાં આવ્યો

  • 9th std girl student molested whole night in the truck cabin by 4 men in Bihar
    +2બીજી સ્લાઈડ્સ જુઓ
    9મા ધોરણની વિદ્યાર્થિની સાથે થયો ગેંગરેપ. (પ્રતીકાત્મક)

    હાસજીપુર (બિહાર): મુઝફ્ફરપુર જિલ્લાના કુઢની પોલીસ સ્ટેશન વિસ્તારના ગામથી અપહરણ કરીને ગેંગરેપની શિકાર નવમા ધોરણની વિદ્યાર્થિનીને ગોરૌલ પોલીસે દુષ્કર્મીઓના હાથમાંથી મુક્ત કરાવી છે. ટ્રકની કેબિનમાં રાત આખી તે છોકરી પર ગેંગરેપ કરવામાં આવ્યો. સવારે અપાશે બાઇક પર બેસાડીને ત્રણની સંખ્યામાં રેપિસ્ટ્સ ગોરૌલ તરફ આવી રહ્યા હતા. શંકાના આધારે પોલીસે તેમને અટકાવ્યા. તેમાંથી એક ભાગી ગયો. બે દુષ્કર્મીઓની પોલીસે ધરપકડ કરી છે.

    ત્રણ દોસ્તોએ ટેમ્પોમાંથી વિદ્યાર્થિનીનું કર્યું હતું અપહરણ

    ગેંગરેપની શિકાર થયેલી નવમા ધોરણની વિદ્યાર્થિની ગુરુવારે ગામની પાસે ચોક પર દુકાનમાંથી સામાન લેવા માટે ગઇ હતી. તે દરમિયાન ટેમ્પો લાવીને ઊભા રહેલા ચાર યુવકોએ તેને ટેમ્પોની અંદર ખેંચી લીધી. તેણે બૂમો પાડી તો જાનથી મારી નાખવાની ધમકી આપી. ટેમ્પોમાં લઇ જઇને ઝિટકી ચૌર (એક ગામ)માં તેને રાખી.

    ટ્રકની કેબિનમાં કર્યો ગેંગરેપ

    ગેંગરેપની શિકાર 15 વર્ષની વિદ્યાર્થિનીએ પોલીસને જણાવ્યું છે કે રાત થઇ ત્યારે ચૌરમાં રાખેલી એક ટ્રકની કેબિનમાં તેને જબરદસ્તી ચડાવી દેવામાં આવી. રાત આખી તેની સાથે તે ચારેય જણે રેપ કર્યો. તેની ચીસો અને ધમપછાડાનો અવાજ બહાર ન જાય એટલે ટ્રકમાં રાખેલી સાઉન્ડ સિસ્ટમનો વોલ્યુમ વધારી દીધો. વિરોધ કરવા પર તેની સાથે તે લોકોએ મારપીટ પણ કરી.

    આગળની સ્લાઇડમાં વાંચો, મેમોના અભાવે હોસ્પિટલમાંથી પીડિતાને પાછી મોકલવામાં આવી

    ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર
  • 9th std girl student molested whole night in the truck cabin by 4 men in Bihar
    +1બીજી સ્લાઈડ્સ જુઓ
    ગેંગરેપની શિકાર થયેલી વિદ્યાર્થિનીની માએ ગાયબ થયાના દિવસે જ મુઝફ્ફરપુરના કુઢની પોલીસ સ્ટેશનમાં અપહરણનો રિપોર્ટ નોંધાવ્યો હતો.

    મેમોના અભાવે હોસ્પિટલમાંથી પીડિતાને પાછી મોકલવામાં આવી 

     

    વિદ્યાર્થિનીને કસ્ટડીમાં લીધા પછી પોલીસ તેને પીએચસી ગોરૌલ લઇ ગઇ, જ્યાંથી તેને હાજીપુર મુખ્ય હોસ્પિટલ રિફર કરવામાં આવી. ગોરૌલ પોલીસે કુઢની પોલીસને સૂચના આપી દીધી હતી. કુઢની પોલીસે કરેલા બેદરકારીભર્યા વિલંબને કારણે જરૂરી પ્રક્રિયાઓ પૂરી ન કરી શકાઇ. પોલીસ પીડિતાને હોસ્પિટલ લઇને આવી હતી પણ મેમો ન હોવાને કારણે તેનું મેડિકલ ચેકઅપ ન થઇ શક્યું અને ન તો તેનો ઇલાજ પણ થઇ શક્યો. સદર હોસ્પિટલમાંથી તેને પાછી મોકલી દેવામાં આવી. ત્યારબાદ કુઢની પોલીસ ગોરૌલ પહોંચી. છોકરી તેમજ દુષ્કર્મીઓને કુઢની પોલીસને સોંપી દેવામાં આવ્યા. ગેંગરેપની શિકાર થયેલી વિદ્યાર્થિનીની માએ ગાયબ થયાના દિવસે જ મુઝફ્ફરપુરના કુઢની પોલીસ સ્ટેશનમાં અપહરણનો રિપોર્ટ નોંધાવ્યો હતો.  

     

    આગળની સ્લાઇડમાં વાંચો, કેવી રીતે ગોરૌલ ઓવરબ્રિજ નજીકથી પકડાયા રેપિસ્ટ્સ

  • 9th std girl student molested whole night in the truck cabin by 4 men in Bihar
    રાત આખી તેની સાથે તે ચારેય જણે રેપ કર્યો.

    આ રીતે ગોરૌલ ઓવરબ્રિજ નજીકથી પકડાયા રેપિસ્ટ્સ

     

    બીજા દિવસે સવારે બે રેપિસ્ટ્સ અપાશે બાઇક પર બેસીને ઝિટકી ચૌરથી ગોરૌલ તરફ આવી રહ્યા હતા. વિદ્યાર્થિનીને તે લોકોએ વચ્ચે બેસાડી રાખી હતી. બીજા બે જણા બીજી બાઇક પર હતા. રાતના પેટ્રોલિંગમાંથી પાછા ફરી રહેલા ગોરૌલ પોલીસ સ્ટેશનના એએસઆઇ રાકેશ કુમાર તેમજ અન્ય પોલીસ જવાનોની નજર તેમના પર પડી. શંકા પડી તો તેમને અટકાવ્યા. અટકાવવા પર બે આરોપી તરત જ નાસી ગયા. બાળકીની સાથે અપાશે બાઇક પર સવાર બે યુવકોને પોલીસે પકડી લીધા. પોલીસને જોતાં જ વિદ્યાર્થિની રડવા લાગી. તેણે જણાવ્યું કે આ લોકોએ તેની સાથે બહુ ખરાબ કામ કર્યું છે. હવે ક્યાંક લઇ જઇ રહ્યા છે. પકડાયેલ આરોપી પંકજ અને સુકેશ તરીકે ઓળખાયા છે. 

More From National News

Trending