Home » National News » Desh » 8th pass woman cheated the Indore police for 10 years having all facilities

10 વર્ષ સુધી ADGની બહેન બની ઠગતી રહી આ 8મું પાસ યુવતી, ખુલી ગઇ પોલ

Divyabhaskar.com | Updated - May 04, 2018, 08:00 AM

કાવતરાંખોર આ છોકરીનું દુઃસાહસ એટલી હદે વધી ગયું કે તે પોલીસકર્મીઓની ટ્રાન્સફર માટે અરજીઓ લેવા લાગી

  • 8th pass woman cheated the Indore police for 10 years having all facilities
    +2બીજી સ્લાઈડ્સ જુઓ
    કાવતરાખોર યુવતી સોનાલી શર્મા

    ઇંદોર: જે પોલીસની પાસે રિપોર્ટ લખાવવા જવામાં લોકોના હાથ-પગ કાંપવા લાગે છે, તે પોલીસ એક-બે નહીં, પણ પૂરા 10 વર્ષ સુધી માત્ર એક આઠમું પાસ યુવતીના રોફ હેઠળ દબાયેલી રહી. રોફ પણ એવો કે સુખ-સુવિધામાં થોડીક પણ ઉણપ આવે તો ટીઆઇથી લઇને સીએસપી સુધીની ક્લાસ લઇ નાખે. જ્યારે પણ તેનું મન થાય ત્યારે પહોંચી જતી પોલીસ ઓફિસરના મેસ પર. તેની રહેણી-કરણી, જબરદસ્ત ઇંગ્લિશના જાળમાં ફક્ત ઇંદોર પોલીસ ઓફિસરો જ નહીં, ભોપાલ, ઉજ્જૈનના ઓફિસરો પણ ફસાયા અને વીઆઇપી ટ્રીટમેન્ટ આપતા રહ્યા. કાવતરાંખોર આ છોકરીનું દુઃસાહસ એટલી હદે વધી ગયું કે તે પોલીસકર્મીઓની ટ્રાન્સફર માટે અરજીઓ લેવા લાગી. ઓફિસરોને ત્યાં લગ્ન-પાર્ટીઓમાં મહેમાન બનીને જતી. યુવતીની બનાવટ ખુલ્લી પડ્યા પછી ઓફિસરોના પગ નીચેથી જમીન સરકી ગઇ છે. હવે તપાસ, કાર્યવાહી અન તેના સંપર્કોની શોધ કરવામાં આવી રહી છે.

    પોલીસે યુવતી તેમજ તેના બોયફ્રેન્ડની કરી ધરપકડ

    - યુવતીનું નામ સોનાલી શર્મા છે, જે મૂળે ભોપાલની રહેવાસી છે. ભાસ્કરમાં આ મામલે ખુલાસો થયા પછી પોલીસે સોનાલી અને ભોપાલ નિવાસી તેના બોયફ્રેન્ડ કૃષ્ણા રાઠોડની ધરપકડ કરી લીધી.

    - કૃષ્ણા, સોનાલીની સાથે શહેરના વિદ્યાનગરમાં ભાડાના ફ્લેટમાં રહેતો હતો. ડીઆઇજી હરિનારાયણાચારી મિશ્રાએ જણાવ્યું કે સોનાલીના પિતા ખેડૂત હતા. તેમનું મૃત્યુ થઇ ચૂક્યું છે. જ્યારે મા ભોપાલમાં હોશંગાબાદ રોડ પર રહે છે.
    - પ્રાથમિક પૂછપરછમાં સોનાલીએ ફક્ત રોફ ઝાડવા માટે આવું કરવાની વાત કહી છે. પોલીસ હવે એ વાતની તપાસ કરી રહી છે કે ક્યાંક તેણે ખોટી ઓળખ જણાવીને તો કોઇ છેતરપિંડી નથી કરી.

    આવી રીતે ઉઠાવ્યો ફાયદો: રિટાયર્ડ ડીજીની ઓળખ પર આવી હતી

    - સોનાલી પહેલીવાર 2008માં રિટાયર્ડ ડીજી કાપદેવના રેફરન્સ પર તેમની દીકરીઓ સાથે ઓફિસર્સ મેસમાં રોકાઇ હતી.

    - ત્યારબાદ તેણે પોલીસ અધિકારીઓ સાથે ઓળખ બનાવી. પછી કાપદેવની સંબંધી હોવાનું જણાવીને ફાયદો ઉઠાવવાનું શરૂ કર્યું. ત્યારબાદ આવવા-જવાનું શરૂ કર્યું, એટલે મેસના કર્મચારીઓ પણ તેને VIPની જેમ ટ્રીટ કરવા લાગ્યા.
    - કાવતરાખોર યુવતીએ થોડા સમય પહેલા એક રેલવે એસપીના ફોનથી પણ રૂમ બુક કરાવડાવ્યો હતો. તે થોડાક દિવસ પહેલા સીએસપી જ્યોતિ ઉમઠના લગ્નમાં પણ સામેલ થઇ હતી.

  • 8th pass woman cheated the Indore police for 10 years having all facilities
    +1બીજી સ્લાઈડ્સ જુઓ
    સોનાલીનો દોસ્ત કૃષ્ણા રાઠોડ
  • 8th pass woman cheated the Indore police for 10 years having all facilities
    પોલીસ હવે એ વાતની તપાસ કરી રહી છે કે ક્યાંક તેણે ખોટી ઓળખ જણાવીને તો કોઇ છેતરપિંડી નથી કરી.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending