Home » National News » Latest News » National » છત્તીસગઢમાં સેનાએ એન્કાઉન્ટરમાં 10 નક્સલીઓને કર્યા ઠાર| 10 naxals killed in an encounter

છત્તીસગઢઃ બીજાપુર એન્કાઉન્ટરમાં 10 નક્સલીઓ ઠાર, 3 જવાન ઘાયલ

Divyabhaskar.com | Updated - Apr 28, 2018, 03:33 AM

છત્તીસગઢના બીજાપુર જિલ્લામાં સેનાએ એન્કાઉન્ટર દરમિયાન 7 નક્સલીઓને ઠાર કરી દીધા છે

  • છત્તીસગઢમાં સેનાએ એન્કાઉન્ટરમાં 10 નક્સલીઓને કર્યા ઠાર| 10 naxals killed in an encounter

    રાયપુર: છત્તીસગઢ-તેલંગાણાની સરહદે 13 કિમી દૂર ગ્રે હાઉન્ડ્સે એક મોટું એન્કાઉન્ટર પાર પાડ્યું. છત્તીસગઢ પોલીસની મદદથી ઇરમિડી વિસ્તારમાં ઘેરાબંધી કરી નક્સલીઓ પર મોટો હુમલો કર્યો. આ હુમલામાં ફોર્સે 10 નક્સલી ઠાર માર્યા. દરમિયાન નક્સલીઓની કાર્યવાહીમાં પણ તેલંગાણાના ગ્રે હાઉન્ડના 3 જવાન ઘાયલ થયા હતા. જવાનોએ જંગલમાંથી 8 નક્સલીઓનાં શબ પણ કબજે કર્યાં હતાં. જોકે હજુ સ્પષ્ટ થયું નથી કે ગ્રે હાઉન્ડના આ હુમલામાં કયા સ્તરના નક્સલી ઠાર મરાયા છે. એટલું કહેવાય છે કે ઠાર મરાયેલા નક્સલીઓમાં 6 મહિલા નક્સલી પણ સામેલ છે. આ સમગ્ર કાર્યવાહીમાં નક્સલીઓનાં શબને હેલિકોપ્ટરની મદદથી બહાર કાઢવામાં આવ્યા હતા.

    બસ્તર સંભાગના આઈજી વિવેકાનંદ સિન્હાએ એન્કાઉન્ટર વિશેની વાત જણાવી છે. આ એન્કાઉન્ટમાં ચાર જવાન ઘાયલ થયા હોવાની વાતનો પણ ખુલાસો કર્યો છે.

    - સૂત્રોના જણાવ્યા પ્રમાણે શુક્રવારે સવારે સર્ચિંગ દરમિયાન જિલ્લાના ભદ્રકાળી પોલીસ સ્ટેશન પાસે આઈપેંટામાં સુરક્ષાબળો અને નક્સલીઓ સામ સામે આવી ગયા હતા. બંને તરફથી ફાયરિંગ થયું હતું અને તેમાં 10 નક્સલીઓ મારવામાં આવ્યા હતા.
    - સુરક્ષાબળોએ અત્યાર સુધી એક એસએલઆર, એક થ્રી નોટ થ્રી રાયફલ, એક રિલોલ્વર, 4 એસબીબીએલ, 6 રોકેટ લોન્ચર, 3 ગ્રેનેટ મેળવ્યા છે.
    - મળેલી માહિતી પ્રમાણે આ ઓપરેશનન ગ્રે-હાઉંડ ટીમે પુરૂ પાડ્યું છે. નોંધનીય છે કે, આ ટીમ દ્વારા જ હોળીના દિવસે3 માર્ચના રોજ લગ્નના સમારોહમાં પહોંચેલા નક્સલીઓ પર હુમલો કર્યો હતો. આ ઘટનામાં પણ 7 મહિલા માઓવાદીઓ સહિત 10 માઓવાદીઓને ઠાર કરવામાં આવ્યા હતા.

    ગઢચિરૌલીમાં સેનાને મળી મોટી સફળતા

    - થોડા દિવસ પહેલાં મહારાષ્ટ્રના ગઢચિરૌલીમાં સુરક્ષાબળોએ સર્ચ અભિયાન અંતર્ગત અંદાજે 37 નક્સલીઓને ઠાર કર્યા હતા. ઠાર કરવામાં આવેલા નક્સલીઓમાં મહિલા પણ હતી.
    - 22 એપ્રિલે સવારે ભામરાગઢ જિલ્લામાં મહારાષ્ટ્ર અને છત્તીસગઢ રાજ્યની સીમા સાથે જોડાયેલા કસનાપુર-બોરિયા જંગલ વિસ્તારમાં ઈંન્દ્રાવતી નદી પાસે ખાસ ટીમ સી-60ના કમાન્ડો અને સીઆરપીએફની 9મી બટાલિયનના જવાનો દ્વારા શરૂ કરવામાં આવેલા એન્કાઉન્ટરમાં ઘણાં નક્સલીઓને ઠાર કરી દીધા હતા. 16 નક્સલીઓની લાશ તો તે દિવસે જ શોધી લેવામાં આવી હતી.
    - બીજા દિવસે અન્ય 11 નક્સલીઓની ડેડ બોડિ ઈન્દ્રાવતી નદીમાં તરતી જોવા મળી હતી.
    - તેમાં બે ડિવિઝનલ કમાન્ડર, સાઈનાથ અને શ્રીનુ પણ સામેલ હતા. બંને પર રાજ્યએ રૂ. 16-16 લાખના ઈનામની જાહેરાત કરી હતી. સાઈનાથ વિરુદ્ધ જિલ્લાના વિવિધ પોલીસ સ્ટેશનમાં 75 અને શ્રીનુ વિરુદ્ધ 82 કેસ દાખલ હતા.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending