Home » National News » Latest News » National » 67 Prisoners completed their punishment in Indian Jail Pak is not accepting them as citizens

ભારતની જેલોમાં સજા પૂરી કરી ચૂકેલા કેદીઓને નાગરિક નથી માનતું PAK

Divyabhaskar.com | Updated - May 01, 2018, 11:50 AM

છેલ્લાં 13 વર્ષોમાં ભારતની જેલોમાં બંધ 393 પાકિસ્તાની કેદીઓના કારણે ભારત સરકારની સામે એક મોટું સંકટ પેદા થયું છે

  • 67 Prisoners completed their punishment in Indian Jail Pak is not accepting them as citizens
    +1બીજી સ્લાઈડ્સ જુઓ
    સુપ્રીમ કોર્ટે સરકારને કહ્યું છે કે જે કેદીઓની સજા પૂરી થઇ ગઇ છે, તેમના માટે એવી વ્યવસ્થા કરવામાં આવે જેથી તેઓ જેલમાં ન રહે. (ફાઇલ)

    નવી દિલ્હી: છેલ્લાં 13 વર્ષોમાં ભારતની જેલોમાં બંધ 393 પાકિસ્તાની કેદીઓના કારણે ભારત સરકારની સામે એક મોટું સંકટ પેદા થયું છે. મોદી સરકારે સુપ્રીમ કોર્ટમાં કહ્યું છે કે છેલ્લા એક વર્ષમાં જે કેદીઓની સજા પૂરી થઇ ગઇ છે, તેમને પાછા મોકલવામાં મુશ્કેલીઓ આવી રહી છે, કારણકે પાકિસ્તાનની સરકાર લગભગ 67 કેદીઓને ઓળખવાનો ઇન્કાર કરી દીધો છે. આ કેદીઓમાં ઘણા માછીમારો પણ સામેલ છે.

    પાકિસ્તાન તેના નાગરિકોને લઇને કોઇ પુષ્ટિ કરતું નથી

    - સુપ્રીમ કોર્ટે સરકારને કહ્યું છે કે જે કેદીઓની સજા પૂરી થઇ ગઇ છે, તેમના માટે એવી વ્યવસ્થા કરવામાં આવે જેથી તેઓ જેલમાં ન રહે. આ વિશે જમ્મુ-કાશ્મીર પેંથર્સ પાર્ટીના ચીફ ભીમ સિંહે સુપ્રીમ કોર્ટમાં અરજી દાખલ કરી હતી, જેની સુનાવણી કરતી વખતે કોર્ટે આ ટિપ્પણી કરી છે.

    - સરકારનું કહેવું છે કે પાકિસ્તાની નાગરિકોની ઓળખને લઇને પાકિસ્તાની હાઇ કમિશનની સામે ઘણીવાર મુદ્દો ઉઠાવવામાં આવ્યો છે. પરંતુ અત્યાર સુધી પાકિસ્તાન તરફથી નાગરિકોને લઇને પુષ્ટિ નથી કરવામાં આવી.
    - ઉલ્લેખનીય છે કે આ વિશે ભારત અને પાકિસ્તાનની વચ્ચે 2008માં કરાર થયો હતો, જે અંતર્ગત કેદીઓના આદાન-પ્રદાન અંગે કરાર થયો હતો. તેમાં સજા પૂરી થયા પથી કેદીઓને પાછા પોતાને દેશ પહોંચાડવાની વાત હતી.
    - સુપ્રીમ કોર્ટે પૂછ્યું છે કે અમે નાગરિકોને ત્યાં પાછા મોકલી રહ્યા છે, પરંતુ તેઓ તેનો સ્વીકાર નથી કરી રહ્યા, તો આ માટે શું પગલાં લેવા જોઇએ.
    - ઘણીવાર બોર્ડર પાર કરવા અંગે અને અરબ સાગર પાસે માછીમારો દ્વારા નિયમના ઉલ્લંઘનના આરોપમાં તેમની ધરપકડ કરવામાં આવે છે.

  • 67 Prisoners completed their punishment in Indian Jail Pak is not accepting them as citizens
    સુપ્રીમ કોર્ટે પૂછ્યું છે કે અમે નાગરિકોને ત્યાં પાછા મોકલી રહ્યા છે, પરંતુ તેઓ તેનો સ્વીકાર નથી કરી રહ્યા, તો આ માટે શું પગલાં લેવા જોઇએ. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending