Divya Bhaskar

Home » National News » Desh » 3 Generations os Bhullr family on same post of SSP in same district in Jalandhar

દાદાથી પૌત્ર સુધી, ત્રણ પેઢી એક જ જિલ્લામાં SSP, સંપત્તિના મામલે CMથી પણ અમીર

Divyabhaskar.com | Updated - May 13, 2018, 03:55 PM

એસએસપી ગુરપ્રીત સિંહ ભુલ્લરના પિતા ગુરઇકબાલ સિંહ ભુલ્લર અને દાદા ગુરદયાલ સિંહ ભુલ્લર પણ આ જિલ્લામાં આ જ પદ પર તહેનાત હતા

  • 3 Generations os Bhullr family on same post of SSP in same district in Jalandhar
    +1બીજી સ્લાઈડ્સ જુઓ
    ગુરપ્રીત સિંહ ભુલ્લર (ફાઇલ)
    જલંધર: એવા અનેક ઉદાહરણ છે કે ઘણી પેઢીઓ એક જ પ્રોફેશનમાં ઊંચી પોસ્ટ પર રહી હોય, પરંતુ એવું કદાચ જ બન્યું હશે કે કોઇ જિલ્લામાં એસએસપી (સિનિયર સુપ્રિન્ટેન્ડન્ટ ઓફ પોલીસ)ની પોસ્ટ પર દાદા પણ હોય, દીકરો પણ હોય અને પૌત્ર પણ હોય. જલંધરમાં આવો એક કિસ્સો સામે આવ્યો છે. અહીંયા અત્યારે નિયુક્ત થયેલા એસએસપી ગુરપ્રીત સિંહ ભુલ્લરના પિતા ગુરઇકબાલ સિંહ ભુલ્લર અને દાદા ગુરદયાલ સિંહ ભુલ્લર પણ આ જિલ્લામાં આ જ પદ પર તહેનાત રહી ચૂક્યાં છે.

    પંજાબના CMથી પણ અમીર છે ભુલ્લર
    - ગુરપ્રીત સિંહ ભુલ્લર વિશે એક અન્ય રસપ્રદ વાત એ પણ છે કે તેઓ મુખ્યમંત્રી કેપ્ટન અમરિંદર સિંહ તેમજ ભૂતપૂર્વ ઉપમુખ્યમંત્રી અને અકાલી દળના અધ્યક્ષ સુખબીર સિંહ બાદલ કરતા પણ અમીર છે.
    - છેલ્લી ચૂંટણી દરમિયાન ભરવામાં આવેલા નોમિનેશનમાં કેપ્ટને પોતાની સંપત્તિ 48 કરોડ અને સુખબીર સિંહ બાદલે 102 કરોડ રૂપિયા જાહેર કરી હતી. જ્યારે ગુરપ્રીત સિંહ ભુલ્લર 152 કરોડની સ્થાયી સંપત્તિનો માલિક છે. આ સંપત્તિનો આંકડો તેમણે મોહાલીમાં એસએસપી પદ પર નિયુક્તિ વખતે આપ્યો હતો.
    - ભુલ્લર ફક્ત આર્થિક રીતે જ અમીર નથી, પરંતુ પંજાબમાં તેમના પરિવારની સેવાઓ તેમનાથી પણ ઘણી વધારે સમૃદ્ધ છે. ભુલ્લર પરિવારની ખાસ વાત એ છે કે એસએસપીના રૂપમાં જલંધરમાં સેવાઓ આપનાર આ પરિવારે આઝાદી પછી સમૃદ્ધ તેમજ શાંત પંજાબ, આતંકવાદની ચરમસીમા પર રહેલા પંજાબથી લઇને આતંકવાદ પછીના પંજાબમાં સેવાઓ આપી છે.
    દાદાથી લઇને પૌત્ર સુધી
    - પોલીસ વિભાગમાંથી સેવાનિવૃત્ત થઇ ચૂકેલા ઘણા વૃદ્ધ અધિકારીઓ જણાવે છે કે ગુરદયાલ સિંહે પંજાબમાં પોતાના કાર્યકાળ દરમિયાન પ્રામાણિકતાની મિસાલ રજૂ કરી હતી.
    - તેમણે 9 સપ્ટેમ્બર, 1957થી લઇને 25 માર્ચ, 1960 સુધી એસએસપી જલંધર તરીકે સેવાઓ આપી હતી, જ્યારે પિતા ગુરઇકબાલ સિંહ ભુલ્લરે 5 માર્ચ, 1980થી લઇને 5 માર્ચ, 1984 સુધી જલંધરના એસએસપી તરીકે સેવાઓ આપી.
    - પિતા તેમજ દાદા પીપીએસ તરીકે નિયુક્ત થયા હતા, ત્યારબાદ આઇપીએસના રૂપમાં પ્રમોશન મેળવીને આઇજી અને ડીઆઇજી તરીકે સેવાનિવૃત્ત થયા હતા.
    - હવે ગુરપ્રીત ભુલ્લર જલંધરમાં પોતાના બીજા કાર્યકાળમાં સેવાઓ આપી રહ્યા છે. પહેલા તેઓ 2003માં અહીંયા એસએસપી રહ્યા હતા.
    મને ગર્વ છે: ગુરપ્રીત સિંહ
    - જલંધરના એસએસપી ગુરપ્રીત સિંહ ભુલ્લરે કહ્યું, "દાદાજીના સમયથી પોલીસ વિભાગ મારફતે દેશ અને સમાજની સેવા કરવાની પ્રેરણા અને પ્રોત્સાહન મળ્યું છે. તેની જ ત્રીજી પેઢીના રૂપમાં હું એ સંકલ્પ સાથે સેવાઓ આપી રહ્યો કે સમાજ અને લોકોની ભલાઈ માટે જેટલું કરી શકાય તેટલું કરું. મને ગર્વ છે કે મારા પિતા અને દાદાજીએ પોતાના કામથી, પોતાની પ્રામાણિકતાથી અને કર્મઠતાથી પોલીસ વિભાગમાં એક સ્વચ્છ છબિ બનાવી હતી, જે આજે પણ કાયમ છે અને આગળ પણ રહેશે."
  • 3 Generations os Bhullr family on same post of SSP in same district in Jalandhar
    ગુરપ્રીત સિંહ ભુલ્લરે કહ્યું, દાદાજીના સમયથી પોલીસ વિભાગ મારફતે દેશ અને સમાજની સેવા કરવાની પ્રેરણા અને પ્રોત્સાહન મળ્યું છે. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending