• Home
  • National News
  • In Depth
  • 'ડિમેન્શિયા' નામની બીમારી સામે લડી રહ્યા છે વાજપેયી, વ્હીલચેર અને લિક્વિડ પર પસાર કરે છે આખો દિવસ |

'ડિમેન્શિયા' નામની બીમારી સામે લડી રહ્યા છે વાજપેયી, વ્હીલચેર અને લિક્વિડ પર પસાર કરે છે આખો દિવસ

વાજપેયી વડાપ્રધાન તરીકેનો કાર્યકાળ પૂર્ણ કરનાર પહેલા અને અત્યાર સુધીના એક માત્ર ગેર-કોંગ્રેસી નેતા

divyabhaskar.com | Updated - Jun 11, 2018, 05:59 PM
'ડિમેન્શિયા' નામની બીમારી સામે લડી રહ્યા છે વાજપેયી, વ્હીલચેર અને લિક્વિડ પર પસાર કરે છે આખો દિવસ |

નેશનલ ડેસ્કઃ પૂર્વ વડાપ્રધાન અટલ બિહારી વાજપેયીને નવી દિલ્હીની એમ્સ હોસ્પિટલમાં દાખલ કરાયા છે. બીજેપી તરફથી અપાયેલા નિવેદનમાં કહ્યું છે કે, વાજપેયીને માત્ર રૂટીન ચેકઅપ માટે દાખલ કર્યા છે. 93 વર્ષીય અટલ બિહારી વાજપેયીની તબિયત ઘણા દિવસોથી ખરાબ છે. તેમને ડિમેન્શિયા નામની બીમારી છે. 2009થી તેઓ વ્હીલચેર પર જ છે.

24 કલાક ડોક્ટર્સ રહે છે દેખરેખ માટે


એક ન્યૂઝ પોર્ટલના અહેવાલ પ્રમાણે, તેમના ક્લોઝ રહેલા શિવ કુમાર શર્માએ જણાવ્યું કે, બીમારીના કારણે તેઓ હવે બહુ ઓછું બોલે છે, પરંતુ ચહેરાના હાવભાવ અને આંખો પરથી ખબર પડી જાય છે તેમણે આપણને ઓળખી લીધા છે. જોકે, તે હવે કંઈ લખી કે વાંચી શકતા નથી, પરંતુ ટીવી બહુ જોવે છે. ખાસ કરીને જૂની ફિલ્મો અને જૂના ગીતો તેમને બહુ પસંદ છે. ડોક્ટર્સનું એક દળ 24 કલાક તેમની દેખરેખ રાખે છે.

ડાયટમાં માત્ર લિક્વિડ જ


દરરોજે તેમને જોવા માટે ચાર ફિઝિયોથેરાપિસ્ટ આવે છે. ડાયટ પણ તેમનું માત્ર લિક્વિડ જ હોય છે. તેમને વધારે ખોરાક આપવામાં નથી આવતો. થોડા સમય પહેલા ભારત સરકારે તેમને ભારત રત્નથી સન્માનિત કર્યા હતા. નોંધનીય છે કે, વાજપેયી 1991, 1998, 1999 અને 2004માં લખનઉથી લોકસભા સભ્ય તરીકે ચૂંટાયા હતા. તેઓ વડાપ્રધાન તરીકે પોતાનો કાર્યકાળ પૂર્ણ કરનાર પહેલા અને અત્યાર સુધીના એક માત્ર ગેર-કોંગ્રેસી નેતા છે.

આ કારણે વાજપેયી છે જાણીતા


25 ડિસેમ્બર, 1924માં જન્મેલા વાજપેયીએ ભારત છોડો આંદોલન દ્વારા 1942માં ભારતીય રાજનીતિમાં પગ મૂક્યો હતો. પોતાની ભાષણકળા, મનમોહક સ્મિત, વાણી, લેખન તથા વિચારધારા પ્રત્યે નિષ્ઠા તથા નક્કર પગલા લેવા માટે જાણીતા વાજપેયીને ભારત તથા પાકિસ્તાનના મતભેદોને દૂર કરવાની દિશામાં અસરકારક પગલાનો શ્રેય આપવામાં આવે છે.

X
'ડિમેન્શિયા' નામની બીમારી સામે લડી રહ્યા છે વાજપેયી, વ્હીલચેર અને લિક્વિડ પર પસાર કરે છે આખો દિવસ |
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App