Divya Bhaskar

Home » National News » In Depth » There are also restrictions in the 34 villages of

ભારતના આ 34 ગામમાં રાષ્ટ્રપતિ-PM પણ પ્રવેશી શકતા નથી, ચાલે છે ગામનો કાયદો

Divyabhaskar.com | Updated - Feb 21, 2018, 03:20 PM

ઝારખંડના આ ગામની સીમામાં પરવાનગી વગર કોઇ પ્રવેશ કરી શકતો નથી

  • There are also restrictions in the 34 villages of
    +2બીજી સ્લાઈડ્સ જુઓ

    રાંચી: ઝારખંડના પાટનગર રાંચીને અડેલા ચાર જિલ્લાના 34 ગામમાં દેશનો કાયદો નહી પરંતુ ત્યાંની ગ્રામસભાનો કાયદો ચાલે છે. આ ગામની સીમામાં પરવાનગી વગર કોઇ પ્રવેશ કરી શકતો નથી. આ ગામમાં વડાપ્રધાન, મુખ્યમંત્રી અને રાષ્ટ્રપતિ માટે પણ પ્રતિબંધ છે.જો કોઇએ આ ગામમાં પ્રવેશ કરવો છે તો પહેલા ગ્રામસભાની પરવાનગી લેવી પડે છે.

    પત્થર દ્વારા નક્કી કરવામાં આવી છે સરહદ

    ભાસ્કરે આ વિસ્તારની ગ્રાઉન્ડ રિપોર્ટ છાપી છે. રિપોર્ટમાં કહેવામાં આવેલી વાતો ચોકાવનારી છે. રિપોર્ટ અનુસાર આ ગામમાં ગેરકાયદેસર અફીણની ખેતી કરવામાં આવે છે. આ ગામોમાં ગ્રામસભાએ પોતાની સરહદ પર બેરકેડિંગ રાખી છે. એટલે કે પત્થર ગાડીને ત્યાં ગામની સરહદ બનાવવામાં આવી છે. પત્થર પર જ ભારતનું બંધારણ લખવામાં આવ્યુ છે પરંતુ આ બંધારણ ભારતના મૂળ બંધારણની ખોટી વ્યાખ્યા કરી લોકોને ભડકાવી રહ્યું છે. મહત્વપૂર્ણ છે કે જે ચાર જિલ્લા છે તેમાં ગોડ્ડા, પાકુડ, લોહરદગા સિમડેગા અને રાંચી પણ છે.

    વિકાસમંત્રીના વિસ્તારમાં પણ છે પ્રતિબંધ

    ચોકાવનાગી વાત એ છે કે રાજ્યના ગ્રામીણ વિકાસ મંત્રી નીલકંઠ સિંહ મુંડાના વિસ્તારમાં પણ પત્થરથી ગામની સરહદ બનાવવામાં આવી છે. 24 કલાક ગામમાં આવતા-જતા લોકો પર નજર રાખવામાં આવે છે. જે ગામમાં આવા મામલા સામે આવ્યા છે તેમના ગ્રામ સેવકોએ મુખ્યમંત્રી, વડાપ્રધાન અને રાષ્ટ્રપતિને પત્ર લખીને અપીલ કરી છે કે સ્થાનિક સ્તરેથી જિલ્લા તંત્ર અને પોલીસને હટાવવામાં આવે.નક્સલીઓ સામે લડવા માટે બનાવવામાં આવેલા સીઆરપીએફ કેમ્પોને પણ ત્યાંથી હટાવવા માટે અનુરોધ કરવામાં આવ્યો છે.

    આગળની સ્લાઇડમાં વાંચો, બહારના વ્યક્તિ વિરૂદ્ધ પંચાયત ફટકારે છે દંડ....

  • There are also restrictions in the 34 villages of
    +1બીજી સ્લાઈડ્સ જુઓ

    જો કોઇ બહારનો વ્યક્તિ જબરદસ્તી આ ગામમાં ઘુસે છે તો ગ્રામ પંચાયત તેની વિરૂદ્ધ નિર્ણય કરે છે અને દંડ ફટકારે છે. જો કોઇને ગામમાં જવાની પરવાનગી મળે છે તો તે પહેલા તેને તેનું નામ, કામ, ઓળખ પત્ર, કોને મળવુ છે, શું કામ છે, ક્યાંથી આવ્યો છે અને ક્યા જવાનો છે, કેમ મળવુ છે જેવા સવાલ પૂછવામાં આવે છે. જવાબમાં સંતુષ્ટ થવા પર તેને પંચાયત ગામમાં જવાની પરવાનગી આપે છે. જ્યાર સુધી કોઇ ગામનો જાણકાર નથી હોતો ત્યારસુધી તેના પ્રવેશ પર પ્રતિબંધ હોય છે. હથિયારબંધ પોલીસ પણ આ ગામમાં જતા ડરે છે.

     

  • There are also restrictions in the 34 villages of
    ઝારખંડના 34 ગામમાં બહારના વ્યક્તિના પ્રવેશ પર પ્રતિબંધ છે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending