Home » National News » In Depth » hyderabad traffic police man photos goes viral on social media

ટ્રાફિક પોલીસે બેઘર વૃદ્ધાને જમાડ્યું ભાવતું ભોજન, આ કારણે આવ્યો વિચાર

Divyabhaskar.com | Updated - Apr 03, 2018, 12:43 PM

વૃદ્ધાને 9 બાળકો છે, પરંતુ તેમણે બેઘર છોડી દીધા છે, આશા છે કે કોઈ એક તેમને શોધતો આવે અને ઘરે લઈ જાય

  • hyderabad traffic police man photos goes viral on social media
    +3બીજી સ્લાઈડ્સ જુઓ

    નેશનલ ડેસ્કઃ સોશિયલ મીડિયા પર હૈદરાબાદ ટ્રાફિક પોલીસના એક હોમગાર્ડની તસવીર વાયરલ થઈ છે. ટ્રાફિક પોલીસ હોમગાર્ડ બી ગોપાલ એક બેઘર અને લાચાર મહિલાને પોતાના હાથે જમાડતા દેખાઈ રહ્યા છે. આ તસવીર જોઈને સોશિયલ મીડિયા પર લોકો વખાણ કરી રહ્યા છે અને રાજ્યના ગૃહમંત્રીએ આ કામ માટે પણ તેમના વખાણ કર્યા છે. તસવીર એકદમ ભાવુક કરી દેનારી છે અને માનવતાનો પાઠ ભણાવે છે. કોઈ ભુખ્યાને ભોજન આપવાનું સુખ કેવું હોય છે, તસવીર આ વાત સ્પષ્ટપણે વ્યક્ત કરી રહી છે.

    એક વેબપોર્ટલના અહેવાલ પ્રમાણે, તસવીર એ સમયે લેવામાં આવી જ્યારે રવિવારે(1 માર્ચ)ના રોજ બી ગોપાલ કુક્કડપલ્લીના જવાહરલાલ નેહરૂ ટેક્નોલોજિકલ યુનિવર્સિટી પાસેના જંક્શન પર તહેનાત હતા. બી ગોપાલે જોયું કે, એક કમજોર દેખાતી વૃદ્ધ મહિલા દયનીય હાલતમાં રોડના કિનારે પડેલી હતી, મહિલાનું નામ બુચામ્મા છે. ગોપાલ તેની હાલત જોઈ ન શક્યો અને તે તેના માટે ખાવાનું લઈ આવ્યો. ગોપાલે અહીંયા તેનું કામ પૂરું ન કર્યું, પોતાના હાથેથી મહિલાને ખાવાનું ખવડાવ્યું.

    હૈદરાબાદ પોલીસના પીઆરઓએ આ તસવીરને સોશિયલ મીડિયા પર શેર કરી, જે ઝડપથી વાયરલ થઈ રહી છે. સોશિયલ મીડિયા યુઝર્સ સહિત સાઈબરાબાદ પોલીસ કમિશનર વીસી સજ્જનાર અને ગૃહમંત્રી નયની નરસિમ્હા રેડ્ડીએ ગોપાલની પ્રશંસા કરી.

    આગળની સ્લાઈડ્સમાં વાંચો, પોલીસે જણાવી સમગ્ર ઘટના?

  • hyderabad traffic police man photos goes viral on social media
    +2બીજી સ્લાઈડ્સ જુઓ

    શું કહ્યું ગોપાલે?


    ગોપાલે મીડિયા સાથે વાત કરતા કહ્યું કે, કાલે મેં બુચામ્માને રસ્તાની સાઈડમાં બહુ ખરાબ હાલતમાં જોયા, તે એકદમ કમજોર દેખાતા હતા. મને કારણ જાણવામાં વાર ન લાગી કે, તેને ભુખ લાગી હતી. તે તેની આંગળીઓ પણ ઉઠાવી શકે તેવી સ્થિતિમાં નહોતી એટલે મેં તેને ખાવાનું ખવડાવ્યું. ગોપાલે જણાવ્યું કે, હવે તે લગભગ દરરોજે બુચામ્માને જોવા આવે છે અને તેમની સાથે વાત કરે છે.

  • hyderabad traffic police man photos goes viral on social media
    +1બીજી સ્લાઈડ્સ જુઓ

    વાહને મારી હતી ટક્કર


    ગોપાલે જણાવ્યું કે, પાંચ મિનિટ પહેલા એક વાહને બુચામ્માને ટક્કર મારી દીધી હતી. ત્યારે અમે તેમને હોસ્પિટલ લઈ ગયા હતા અને તેમની દેખરેખ કરી હતી. ત્યારેથી તે વિભાગના લોકોની ઘણી નજીક રહે છે જે ડ્યુટી પર અહીંયા તહેનાત રહે છે. હવે બુચામ્માને ચેરાપલ્લીના એક વેલફેર હોમમાં મોકલવામાં આવી રહી છે. 

  • hyderabad traffic police man photos goes viral on social media

    9 બાળકોની માતા છે વૃદ્ધા


    ગોપાલે જણાવ્યું કે, બુચામ્માને 9 બાળકો છે, પરંતુ તેમણે તેને બેઘર છોડી દીધા છે, આશા છે કે તેમાંથી એક તેમને શોધતો આવશે અને તેમને ઘરે લઈ જશે. ગોપાલે એમ પણ કહ્યું કે, વારંવાર પોલીસ ઓફિસર વિશે લોકોને લાગે છે કે, તેમનામાં માણસાઈ નથી હોતી, બની શકે કે આ તસવીર તેમના મનમાં થોડો ફેરફાર લાવી શકે, પોલીસ લોકોની સેવા માટે જ છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ