લાઇસન્સ / વડોદરામાં એક આંખ ધરાવતી 3 વ્યક્તિને પહેલીવાર લાઇસન્સ ઇશ્યૂ

For the first time licensed issue for three persons with an eye in Vadodara
X
For the first time licensed issue for three persons with an eye in Vadodara

  • કેન્દ્ર સરકાર દ્વારા ડ્રાઇવિંગ લાઇસન્સના નિયમોમાં અપાયેલી છૂટનો વડોદરા આરટીઓ દ્વારા અમલ શરૂ
  • મેડિકલ બોર્ડની ચકાસણી અને સર્ટિફિકેટ બાદ લાઇસન્સ મેળવી શકશે

 

 

divyabhaskar.com

Jan 11, 2019, 03:05 AM IST

વડોદરા: શહેરમાં પોલીસ દ્વારા ટ્રાફિક નિયમોનું કડક પાલન કરાવવામાં આવી રહ્યું છે. સીસીટીવી સર્વેલન્સ હેઠળ વાહન ચાલકોને આવરી લેવાયાં છે. કેન્દ્ર સરકાર  પરિવહનના નિયમોનું કડક અમલીકરણ કરાવી અકસ્માત નિવારણ ઉપર ભાર આપી રહી છે.ત્યારે બીજી બાજુ દિવ્યાંગોને બીજાની સહાય લેવી ન પડે તે માટે નિયમોમાં છૂટછાટ આપવામાં આવી રહી છે. કેન્દ્ર સરકારે તાજેતરમાં એક આંખવાળી વ્યક્તિને ડ્રાઇવિંગ લાઇસન્સ આપવા માટે પરિપત્ર કર્યો છે. મેડિકલ બોર્ડની ચકાસણી અને સર્ટિફિકેટ બાદ લાઇસન્સ મેળવી શકશે. જોકે માત્ર નોન કોમર્શિયલ વેહિકલ માટે લાઇસન્સ મળશે.વડોદરા આરટીઓ દ્વારા 3 વ્યક્તિઓને પ્રથમ વખત લાઇસન્સ આપવામાં આવ્યાં છે.

 

એક હાથ અને એક આંખ કે એક પગ ધરાવતી વ્યક્તિ લાંબા ગાળે પોતાનાં રાજિંદાં કામો માટે ટેવાઇ જાય છે. જે આધારે કેન્દ્ર સરકારે ડ્રાઇવિંગ લાઇસન્સ માટે કેટલીક છૂટછાટ આપી છે. કેટલીક વખત અકસ્માતમાં કે રોગને કારણે કે અન્ય બનાવથી કેટલાંક લોકો દૃષ્ટિ ગુમાવતાં હોય છે. ત્યારે તેમને વાહન ચલાવવા લાઇસન્સ મળતું નથી. તેમજ રોજિંદા વાહન વ્યવહાર માટે અન્ય વ્યક્તિનો સહારો લેવો પડે છે. જેથી કેન્દ્ર સરકારે આ અંગે પરિપત્ર કરી કેટલાક નિયમોનું  પાલન થતું હોય તો લાઇસન્સ આપવા પરિપત્ર કર્યો છે.જે અંગે વડોદરા આરટીઓ દ્વારા અમલ કરાયો હોવાનું એ.આર.ટી.ઓ. એમ.એ.મન્સુરી દ્વારા જણાવાયું હતું.

Next Stories

    ની  સંપૂર્ણ વાંચનસામગ્રી