આજે ઠંડા પવનો વચ્ચે વાદળછાયું વાતાવરણ રહેશે

વડોદરા | શહેરમાં ધૂળેટીના દિવસે વાદળછાયું વાતાવરણ રહ્યું હતું. રાતે 14 કિમીની ઝડપે પવનો ફુંકાતા શીતલહેર થઈ હોય તેમ શહેરીજનો ઠુંઠવાઈ ગયા હતા. જ્યારે બુધવારના રોજ પણ વાદળછાયા વાતાવરણ વચ્ચે 14 કિમીની ઝડપે ઠંડા પવનો ફુંકાતા બેવડી ઋતુનો અનુભવ થયો હતો. ગુરૂવારે વાદળછાયું વાતાવરણ ઉપરાંત રાતે ઠંડા પવનો ફુંકાય તેવી સંભાવના છે. ગુરૂવારે મહત્તમ તાપમાન 30 ડિગ્રી જ્યારે લઘુત્તમ તાપમાન 20 ડિગ્રી સુધી રહેશે. બુધવારે લઘુત્તમ તાપમાન 20.4 ડિગ્રી રહ્યું હતું.