સાવલીના શેરપુરા ગામ પાસે ટેમ્પામાંથી દારૂ સાથે 2 ઝડપાયા

સાવલી પાસેના શેરપુરા ગામ પાસેથી જીલ્લા એલસીબીએ ટેમ્પામાંથી 2 લાખના દારૂ સાથે 2 શખ્સને ઝડપી પાડયા હતા. પોલીસે દારૂ અને ટેમ્પો સહિત 4.16 લાખનો મુદ્દામાલ જપ્ત કર્યો હતો.

પોલીસને બાતમી મળી હતી કે ટેમ્પામાં ચોરખાનું બનાવીને તેમાં દારૂ છુપાવી ટેમ્પો ચાલક સાવલી, ડેસર થઇ અમદાવાદ તરફ જવાનો છે, જેથી એલસીબીએ સાવલીના શેરપુરા પાસે વોચ ગોઠવીને બાતમી મુજબનો ટેમ્પો ઝડપી લીધો હતો. પોલીસે ટેમ્પામાં ચોરખાનામાં છુપાવેલી દારૂની 3316 નાની બોટલ (કિંમત રૂા.206290) જપ્ત કરી ટેમ્પામાં બેઠેલા સુખવિન્દરસિંગ મલકિતસિંગ ઓજલા (અમદાવાદ) તથા વિક્રમસિંહ કમલસિંહ રાજપુત (રાજસ્થાન)ને ઝડપી લઇ ટેમ્પો, દારૂ અને મોબાઇલ મળી 416290 રૂપિયાનો મુદ્દામાલ કબજે કર્યો હતો.