Home » Madhya Gujarat » Latest News » Vadodara City » Vadodara - વધુ દારૂ પીવાનો ઇનકાર કરનાર યુવકને માર માર્યો

વધુ દારૂ પીવાનો ઇનકાર કરનાર યુવકને માર માર્યો

Divyabhaskar.com | Updated - Sep 11, 2018, 04:15 AM

ગણપતિની મૂર્તિ લેવા ગયા ત્યારે સાથે જ નાચ્યા : પાઇપ-પથ્થર મારી ઇજા પહોંચાડી

  • Vadodara - વધુ દારૂ પીવાનો ઇનકાર કરનાર યુવકને માર માર્યો
    બાવચાવાડનો યુવક ગણપતિની મૂર્તિ લેવા ગયા બાદ સાથે નાચતો યુવક તેને અજબડી મિલ પાસે દારૂ પીવા લઇ ગયો હતો. યુવકે વધુ દારૂ પીવાનો ઇનકાર કરતાં તેને પાઇપના ફટકા મારી પથ્થર મારી દીધો હતો. ઇજાગ્રસ્ત યુવક બેભાન થઇ જતાં તેને હોસ્પિટલમાં ખસેડતાં પાણીગેટ પોલીસ સ્ટેશનમાં ફરિયાદ નોંધાઇ છે.

    પાણીગેટ બાવચાવાડના રામગઢ મહોલ્લામાં રહેતો નરેશ રમેશ દેવીપૂજક મજૂરી કામ કરે છે. રવિવારે પાણીગેટના ગણપતિની યાત્રા નીકળી હોઇ તે બાવચાવાડમાં જ રહેતા દિનેશ દલસુખ વસાવા સાથે નાચ્યો હતો. ગણપતિની મૂર્તિ સ્થળ પર આવી ગયા બાદ નરેશ ઘરે જતો હતો. મોડી રાત્રે 1 વાગે બાવચાવાડ રામેશ્વર મંદિર પાસે રહેતો દિનેશ દલસુખ વાઘેલા તેને મળ્યો હતો. દિનેશ તેનો હાથ પકડી અજબડી મિલ બાજુ લઇ જઇ ખુલ્લી જગ્યામાં તેને દારૂ પીવડાવ્યો હતો. ત્યારબાદ નરેશે વધુ દારૂ પીવાની ના પાડતાં દિનેશે ઝઘડો કર્યો હતો. તેને પાઇપનો ફટકો મારી નજીકમાં પડેલો પથ્થર છુટ્ટો માર્યો હતો. પથ્થર વાગતાં નરેશ બેભાન થઇ જતાં તેને કોઇ દવાખાને લઇ ગયું હતું. ભાનમાં આવ્યા બાદ નરેશે પાણીગેટ પોલીસ સ્ટેશનમાં દિનેશ વાઘેલા વિરુદ્ધ ફરિયાદ નોંધાવી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Madhya Gujarat

Trending

વીડિયો વધુ જુઓ