વડોદરા. એમ.એસ.યુનિવર્સિટીમાં31મીએ વિદ્યાર્થી સંઘની યોજાનાર ચૂંટણીમાં પહેલી વાર વિદ્યાર્થીઓ ચૂંટણીમાં

વડોદરા. એમ.એસ.યુનિવર્સિટીમાં31મીએ વિદ્યાર્થી સંઘની યોજાનાર ચૂંટણીમાં પહેલી વાર વિદ્યાર્થીઓ ચૂંટણીમાં ઉભા રહેલા ઉમેદવારો પસંદ નથી તે અંગે પોતાનો મત આપી શકે તે માટે યુનિ.ના ઇતિહાસમાં પ્રથમવાર ‘નન ઓફ ધી એબોવ’ (નોટા)નો અમલ શરૂ કરવાનો નિર્ણય લીધો છે.

યુનિ.માં 20મીએ મળનારી સ્પેશિયલ સિન્ડિકેટ બેઠકમાં 31મીએ યોજાનાર વિદ્યાર્થી સંઘની ચૂંટણી માટે જાહેરનામું બહાર પાડવા અંગેનો નિર્ણય લેવાશે. સ્પેશિયલ સિન્ડિકેટની બેઠકમાં રૂસાની ગ્રાન્ટ અને તેનો ઉપયોગ કયાં કેવી રીતે કરવો તેનો નિર્ણય લેવાશે. ઉપરાંત સ્પેશિયલ સિન્ડિકેટની બેઠકમાં એમ.એસ.યુનિવર્સિટીને મળેલા 76મા રેંકિંગ અને તેના વિશે નિમાયેલી કમિટીના રિપોર્ટના સ્ટેટસ અંગે ચર્ચા કરીને રિપોર્ટને વહેલામાં વહેલી તકે લાગુ કરવા માટે પણ ચર્ચા હાથ ધરાશે.