Home » Madhya Gujarat » Latest News » Vadodara City » Vadodara - 4 ફૂટથી મોટી માટીની મૂર્તિ PoP જેટલી જ હાનીકારક નિવડે છે

4 ફૂટથી મોટી માટીની મૂર્તિ PoP જેટલી જ હાનીકારક નિવડે છે

Divyabhaskar.com | Updated - Sep 16, 2018, 04:05 AM

1 દિવસમાં માટીની 3 અને PoPની 150 મૂર્તિ બનાવવામાં આવે છે

  • Vadodara - 4 ફૂટથી મોટી માટીની મૂર્તિ PoP જેટલી જ હાનીકારક નિવડે છે
    પીઓપીની મૂર્તિથી પર્યાવરણને નુકસાન થાય છે. આ બાબતે જાગૃતતા આવ્યા બાદ શહેરજનો મોટી સંખ્યામાં માટીની મૂર્તિની સ્થાપના કરી રહ્યા છે. ઘણા વર્ષોથી POPની મૂર્તિ બનતી હતી ત્યારે ઓપ્શનમાં માટીના ગણેશ 5 વર્ષથી બનાવાઇ રહ્યા છે. માટીના ગણેશ જો 4 ફૂટથી વધુ ઉંચાઇના હોય તો તે 1 ફૂટની પીઓપીની મૂર્તિ જેટલું જ નુકસાન પર્યાવરણને કરે છે. તેમ પેઢીઓથી માટીના ગણેશ બનાવતા મૂર્તિકાર જીતેન્દ્ર શ્રીકાંત સંતે જણાવ્યું હતું. તેમણે ઉમેર્યું હતું કે 4 ફૂટની માટીની મૂર્તિ બનાવવા માટે જે મટિરીયલ વપરાય તે ઓગળતાં પણ 8 મહિનાઓથી વધુ સમય લાગે છે.

    Eco-Friendly Ganeshji

    5-7 વર્ષથી માટીની મૂર્તિનો ક્રેઝ છે, 4 ફૂટથી ઓછી હોય તેવો નિયમ જોઇએ

    પીઓપીની ગગનચુંબી ગણેશ પ્રતિમાઓ બેસાડીને લોકો 10 દિવસ તેમની પૂજા કરે છે અને ત્યારબાદ ભક્તિભાવ પૂર્વક વિસર્જન પણ કરે છે. છેલ્લા 5-7 વર્ષથી માટીના ગણેશ બનાવો અને પર્યાવરણને બચાવો એવો નારો લઈને અનેક લોકો સમાજમાં ફરી રહ્યા છે ત્યારે તેમને એક જ સંદેશ છે કે માટીના હોય કે પીઓપીના ગણેશ આસ્થાનો વિષય છે અને તેની સાથે ચેડા કરવા ન જોઈએ. જો માટીની મૂર્તિ બનાવી હોય તો 4 ફૂટ કે તેનાથી ઓછી હાઈટની બનાવવી જોઈએ, નહી તો પીઓપીની પ્રતિમા જ સારી તેમ મૂર્તિકાર જીતેન્દ્ર શ્રીકાંત સંતે જણાવ્યું હતું.

    4 ફૂટથી ઊંચી મૂર્તિમાં બાંબુ, ઘાસ ડાંગરનો ભુક્કો, કેમિકલ વપરાય છે

    છેલ્લા 5 વર્ષથી લોકો પર્યાવરણને બચાવવા માટે માટીની મૂર્તિ સ્થાપે છે. ગણપતિના તહેવારમાં માટીના ગણેશનો ક્રેઝ વધ્યો છે. 1થી 4 ફૂટ સુધીની જો માટીની મૂર્તિ બનાવવામાં આવે તો તે પર્યાવરણને નુકસાન નથી કરતી. પરંતુ તેનાથી વધુ ઉંચાઇ હોય તો તે પર્યાવરણને નુકસાન કરે છે. કારણ કે 4 ફૂટથી ઊંચી ગણેશ પ્રતિમા બનાવવા માટે બાંબુ, ઘાસ, ડાંગરનો ભૂકો, કાળી માટી અને કેમિકલ વાળા રંગનો ઉપયોગ માટીના થાય છે. આ તમામ વસ્તુથી બનેલ મૂર્તિનું જ્યારે વિસર્જન કરવામાં ત્યારે તે 8થી 10 મહિના સુધી ઓગળતી નથી. જેથી માટીની મૂર્તિ બનાવવાની હોય તો 4 ફૂટથી નાની જ બનાવવી જોઈએ.

    પર્યાવરણ ત્યારે જ સચવાશે જ્યારે ગણેશ 4 ફૂટના અને માટીના હશે

    4 ફૂટના માટીના ગણેશ બનાવવામાં કાથી, માટી, સાદા વોટર કલર અને લાકડીની સળીનો ઉપયોગ થાય છે. જેને પાણીમાં ઓગળતા 3થી 5 દિવસ જેટલો સમય લાગે છે અને તેના દ્વારા જળચર પ્રાણીઓને નુકસાન પણ થતું નથી અને પર્યાવરણ પણ સચવાય છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Madhya Gujarat

Trending

વીડિયો વધુ જુઓ