ગણેશચતુર્થીમાં ભક્તો મોટી સંખ્યામાં માટીના જ શ્રીજીની સ્થાપના કરે તે માટે સરકાર દ્વારા માટી મૂર્તિ મેળાનું આયોજન કરવામાં આવે છે. 2018નો માટી મૂર્તિ મેળો પારસી અગિયારી મેદાન ખાતે 8 થી 13 સપ્ટેમ્બર સુધી યોજાયો હતો. આ મેળામાં માટીની મુર્તીના વેચાણ માટે 60 સ્ટોલ ઉભા કરવામાં આવ્યાં હતાં. 6 દિવસ દરમિયાન કુલ રૂ.31,66,706 ની માટીની મુર્તીઓનું વેચાણ થયું હતું,જ્યારે વર્ષ 2017માં શહેરમાં યોજાયેલા માટીના મેળામાં કુલ 90 સ્ટોલ હતા. આ મેળો સાત દિવસ ચાલ્યો હતો, જેમાં 32 લાખની મુર્તીઓનું વેચાણ થયું હોવાનું હોવાનું ગુજરાત માટીકામ કલાકારી અને રૂરલ ટેકનોલોજી સંસ્થાનના સંચાલક જનક ભટ્ટે જણાવ્યું હતું.