તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • કૌભાંડી કોચ હરીશ કાળે દ્વારા નકલી બિલ બુક છપાવાઈ હતી

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

કૌભાંડી કોચ હરીશ કાળે દ્વારા નકલી બિલ બુક છપાવાઈ હતી

5 વર્ષ પહેલા
  • કૉપી લિંક
વડોદરાજિલ્લાના આદિવાસી ખેલાડીઓનો રમત-ગમત ક્ષેત્રે વિકાસ થાય તે માટે રાજ્ય સરકારના આદિજાતિ વિભાગ દ્વારા સ્પોર્ટ્સ ઓથોરિટી ગુજરાતને ફાળવવામાં આવેલી રૂા.42.70 લાખની ગ્રાન્ટમાંથી રૂા.27.13 લાખ ચાંઉ કરી કૌભાંડ આચરનાર તત્કાલીન સિનિયર કોચ હરીશ કાળે સામે વડોદરા એસીબીમાં ગુનો નોંધાયા બાદ તપાસ શરૂ કરાઇ છે. હરીશ કાળેએ ડુપ્લિકેટ લેટર પેડ અને બિલ બુકો છપાવીને જાતે બિલો બનાવી સરકારી રકમની ઉચાપત કર્યાનો ખુલાસો થયો છે.

વડોદરા જિલ્લા રમત-ગમત પ્રશિક્ષણ કેન્દ્રમાં કોચ તરીકે વર્ષ-2012માં નિવૃત્ત થયેલા અને હાલમાં સિનિયર કોચ તરીકે ફરજ બજાવતા હરીશ નામદેવ કાળેએ પોતાની સત્તાનો દુરુપયોગ કરીને વડોદરા જિલ્લાના સી.એન. બક્ષી સાર્વજનિક વિદ્યાલય, જબુગામ., શ્રી આદિવાસી માધ્યમિક શાળા, ભેંસાવહી અને શ્રી તીરંદાજી એકેડમી, નસવાડીના બોગસ લેટર પેડ, બિલો, પહોંચ, ભાવપત્રકો તેમજ બોગસ સિક્કા બનાવ્યાં હતાં. ઉપરાંત તેઓએ શાળાઓના આચાર્ય-પ્રમુખના નામની બોગસ સહીઓ કરી હતી અને કેમ્પો સરકારી ચોપડે બતાવી દીધા હતા.

એસીબીની તપાસમાં ખુલાસો થયો હતો કે હરીશ કાળેએ જુદા જુદા ફરાસખાના ટ્રેડર્સવાળાઓનાં ડુપ્લિકેટ લેટરપેડ અને બિલો છપાવી તથા સ્પોર્ટ્સવેરની જુદી જુદી દુકાનોનાં કોરાં ભાવપત્રકો મેળવી પોતાના હસ્તાક્ષરથી ભાવપત્રકો બનાવી તે પૈકી એકને ઓર્ડર આપી તેનાં ખોટાં બિલો બનાવી જે તે વેપારીની પણ ખોટી સહી કરી હતી અને ખેલાડીઓનો સામાન જે તે સ્કૂલોને આપેલો છે તેવું બતાવવા સ્કૂલોનાં લેટર પેડ મેળવી પહોંચ બનાવ્યાનું બહાર આવ્યું હતું.

ગુજરાતને ફાળવેલી ગ્રાન્ટમાંથી ~27.13 લાખ સગેવગે કર્યા હતા

ઉચાપત | મજૂરોનાં બોગસ નામોથી મજૂરી પણ ચાંઉ કરી હતી

155 સ્પોર્ટ્સ કિટનાં નાણાં ચાંઉ

એસીબીની તપાસમાં જાણવા મળ્યું હતું કે 450 સ્પોર્ટ્સ કિટમાંથી 120 કિટ જબુગામની સ્કૂલ તથા 150 સ્પોર્ટ્સ કિટ ભેંસાવહી અને 25 સ્પોર્ટ્સ કિટ નસવાડીમાં આપી હતી.બાકીની 155 કિટના 4,18,500 રૂપિયા પોતે મેળવી લીધા હતા. સ્પોર્ટ્સ કિટ અન્ય જગ્યાએ વેચી દેવાઇ હોવાની શંકા પણ એસીબી દ્વારા વ્યક્ત કરાઇ હતી. હરીશ કાળેએ રાજપુરોહિત નામના કેટરિંગનાં કોરાં લેટરપેડ મેળવી તે નામથી બિલો બનાવી ખેલાડીઓને જમાડ્યાનાં નાણાં આકાર્યાં હતાં.

કૌભાંડમાં અન્યોની સંડોવણીની પણ શંકા

કૌભાંડઅન્ય કોઇ વ્યક્તિની મદદગારી વિના સંભવ હોવાની આશંકા એસીબીએ વ્યક્ત કરી છે. દુકાનોનાં કોરાં લેટરપેડ મેળવવા સહિત વિવિધ બોગસ બિલો મંજૂર કરાવવામાં અન્ય વ્યક્તિઓની પણ સંડોવાણી હોવાનું જણાતાં મામલે પણ તપાસ શરૂ કરાઇ છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- સમય પ્રમાણે મહેનત કરતા રહો. યોગ્ય પરિણામ પ્રાપ્ત થશે. યુવા વર્ગ પોતાના લક્ષ્ય પ્રત્યે ધ્યાન કેન્દ્રિત રાખે. સમય અનુકૂળ છે. તેનો ભરપૂર ઉપયોગ કરે. થોડો સમય અધ્યાત્મમા પસાર કરવાથી સુકૂન મળી શકે...

    વધુ વાંચો