વડોદરા કોંગ્રેસે રાફેલ ફાઈટર ખરીદીમાં થયેલા ભષ્ટ્રાચાર મામલે કલેકટરને આવેદન આપ્યું

કોંગ્રેસનો રાફેલ મામલે દેશને 41 હજાર કરોડનું નુકશાન થયું હોવાનો દાવો

Divyabhaskar.com | Updated - Sep 12, 2018, 06:20 PM
Vadodara Congress handed over memorandum to Collector over Rafale deal

વડોદરાઃ કેન્દ્રની ભાજપા સરકાર દ્વારા રાફેલ ફાઇટર એરક્રાફ્ટ ખરીદીમાં આચરવામાં આવેલા કરોડો રૂપિયાના કૌભાંડના વિરોધમાં શહેર કોંગ્રેસ દ્વારા આજે વિશાળ રેલી કાઢીને જિલ્લા કલેક્ટરને આવેદન પત્ર આપવામાં આવ્યું હતું. વિર શહિદ ભગતસિંહ ચોક ખાતેથી રાફેલ કૌંભાડ અને ભાજપા વિરોધી પોસ્ટરો, બેનરો સાથે નીકળેલી વિશાળ રેલીએ શહેરના માર્ગો ઉપર ભારે આકર્ષણ જમાવ્યું હતું. રેલીના પગલે ટ્રાફિક વ્યવહાર પણ ખોરવાઇ ગયો હતો.


કોંગ્રેસનો રાફેલ મામલે દેશને 41 હજાર કરોડનું નુકશાન થયું હોવાનો દાવો


કોંગ્રેસના ગુજરાતના પ્રભારી અને સાંસદ રાજીવ સાતવે જણાવ્યું હતું કે, કેન્દ્રની ભાજપા સરકારને રાફેલ ફાઇટર એરક્રાફ્ટ અંગે જે.પી.સી. બોલાવવા માટે એક સપ્તાહનું અલ્ટીમેટમ આપવામાં આવ્યું હતું. પરંતુ, સરકારે કમિટી બોલાવી નથી. આથી સ્પષ્ટ થાય છે કે, રાફેલ ખરીદીમાં મોટુ કૌંભાડ થયું છે. અને દેશની તિજોરીને રૂપિયા 41 હજાર કરોડનું નુકશાન થયું છે. આજે વડોદરા ખાતે રેલીનું જે રીતે આયોજન કરવામાં આવ્યું છે. તેજ રીતે આગામી દિવોસમાં ગુજરાતના તમામ શહેરો, તાલુકા મથકોમાં કાઢવામાં આવશે.


રાફેલ કૌભાંડને છેવાડાના માનવી સુધી લઈ જવાશેઃ પ્રદેશ પ્રમુખ અમિત ચાવડા


પ્રદેશ કોંગ્રેસ પ્રમુખ અમિત ચાવડાએ જણાવ્યું હતું કે, કેન્દ્ર સરકાર દ્વારા રાફેલ ખરીદીમાં આચરવામાં આવેલા કરોડો રૂપિયાના કૌંભાડને કોંગ્રેસ ગામડાના છેવાડાના માનવી સુધી લઇ જશે. આગામી દિવસોમાં રાફેલ કૌંભાડને લોકો સુધી પહોંચાડવા માટે વિવિધ આશ્રર્યજનક કાર્યક્રમો આપવામાં આવશે.


આગળની સ્લાઈડ્સમાં વાંચો, રેલીમાં કોંગ્રેસના પ્રદેશ પ્રમુખ સહિતના આગેવાનો જોડાયા...

Vadodara Congress handed over memorandum to Collector over Rafale deal

રેલીમાં કોંગ્રેસના પ્રદેશ પ્રમુખ સહિતના આગેવાનો જોડાયા

 

આજે શહેર કોંગ્રેસ પ્રમુખ પ્રશાંત પટેલની આગેવાની હેઠળ ન્યાય મંદિર શહિદ ચોક ખાતેથી નીકળેલી રાફેલ કૌંભાડ રેલીમાં પ્રદેશ પ્રમુખ અમિત ચાવડા, ગુજરાતના પ્રભારી અને સાંસદ રાજીવ સાતવ, મધ્યગુજરાતના પ્રભારી વિશ્વરંજન મોહંતી ઉપરાંત શહેર કોંગ્રેસ અગ્રણીઓ ચંદ્રકાંત શ્રીવાસ્તવ (ભથ્થુ), ચિરાગ ઝવેરી, શૈલેષ અમીન, ઋત્વિજ જોષી, નરેન્દ્ર રાવત, અમી રાવત, પુષ્પાબહેન વાઘેલા, શ્વેતા મહેતા સહિત મોટી સંખ્યામાં કોંગ્રેસના અગ્રણીઓ અને કાર્યકરો જોડાયા હતા.


અનિલ અંબાણીને ફાયદો કરાવવા રાફેલનો કોન્ટ્રાકટ અપાયો હોવાનો કોંગ્રેસનો દાવો

 
કોંગ્રેસ અગ્રણીઓએ કેન્દ્ર સરકાર ઉપર આક્ષેપ કરતા જણાવ્યું હતું કે, રીલાયન્સ કંપનીએ ક્યારેય ઇલેકટ્રોનિક રમકડાં બનાવ્યા નથી. તેવી કંપનીના માલિક મિત્ર અનિલ અંબાણીને ફાયદો કરાવવા માટે વડાપ્રધાન નરેન્દ્ર મોદીએ રાફેલ ફાઇટર એરક્રાફ્ટ બનાવવાનો કોન્ટ્રાક્ટ આપ્યો છે. અને સરકારી તિજોરીને રૂપિયા 41 હજાર કરોડનું નુકશાન પહોંચાડ્યું છે. 

 

આગળની સ્લાઈડ્સમાં વાંચો, વડાપ્રધાન મોદી દેશના ચોકીદાર નહિં, પરંતુ ભાગેદાર હોવાનો કોંગ્રેસનો આક્ષેપ

Vadodara Congress handed over memorandum to Collector over Rafale deal

વડાપ્રધાન મોદી દેશના ચોકીદાર નહિં, પરંતુ ભાગેદાર હોવાનો કોંગ્રેસનો આક્ષેપ

 

કોંગ્રેસ અગ્રણીઓએ વધુમાં જણાવ્યું હતું કે, રાફેલ ફાઇટર એરક્રાફ્ટની ખરીદી બાબતે ચૂપકીદી સેવનાર નરેન્દ્ર મોદી દેશના ચોકીદાર નહિં. પરંતુ, અનિલ અંબાણીના ભાગીદાર છે. કોંગ્રેસ દ્વારા આગામી સપ્તાહમાં જે.પી.સી.ની બેઠક બોલાવવાની માંગણી કરવામાં આવી હતી. પરંતુ, ભાજપા સરકાર દ્વારા બોલાવવામાં આવી ન હતી. જેના કારણે રાફેલ કૌંભાડને રેલી જેવા કાર્યક્રમો સાથે દેશના લોકો સુધી લઇ જવામાં આવશે.  

X
Vadodara Congress handed over memorandum to Collector over Rafale deal
Vadodara Congress handed over memorandum to Collector over Rafale deal
Vadodara Congress handed over memorandum to Collector over Rafale deal
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App