બે ડઝનથી વધુ સ્થળે ચોરીઓને અંજામ આપનાર ત્રિપુટી ઝડપાઈ

-આરોપી મૂકેશ અખબાર વાંચ્યા બાદ ચોરીનો પ્લાન કરતો હતો
-પોલીસે આ ત્રણે શખ્સ પાસેથી ૧ લાખનો ચોરીનો મુદ્દામાલ કબજે કર્યો

મકરપુરા તેમજ પોર જી.આઇ.ડી.સી.સહિ‌તના વિસ્તારમાં ૨૪થી વધુ ચોરીઓ કરી હાહાકાર મચાવનાર ત્રણ તસ્કરને ક્રાઇમ બ્રાન્ચે ઝડપી પાડયાં હતા. તપાસ દરમિયાન આરોપીઓ અગાઉ પણ ચોરીના ગુનામાં ઝડપાયા હોવાનું તેમજ એક આરોપી તો રોજ ચોરી કર્યા બાદ ચોરીના સમાચાર અખબારમાં છપાયા છે કે કેમ ? તેની માહિ‌તી મેળવ્યાં બાદ વધુ ચોરીનો પ્લાન બનાવતો હતો. ડી.સી.પી. ક્રાઇમ જયપાલસિંગ રાઠોડે ચોરીઓના બનાવમાં સંડોવાયેલા આરોપીઓને ઝડપી પાડવાની સુચના આપી હતી. દરમિયાનમાં પી.આઇ.પી.જી. જાડેજાને બાતમી મળી હતી કે, ત્રણ તસ્કરોએ અસંખ્ય ચોરીઓ કરી છે.

આ બાતમીના આધારે પી.એસ.આઇ. બારોટ તેમજ કોન્સ્ટેબલ સંજયબેડરોએ ચોરીમાં સંડોવાયેલ મહેશ ઉર્ફે લાલો રમણભાઇ બારીયા, ઇન્દર ઉર્ફે ન્દ્રો રામફેર પટેલ અને સુનીલ અંબાલાલ રાઠવાને ઝડપી પાડયાં હતા.
ધરપકડ બાદ પોલીસે આ ત્રણે શખ્સ પાસેથી મોબાઇલ ફોન, મોટર સાઇકલ, ગ્રાઇન્ડર મશીન સહિ‌તનો રૂા.૧ લાખનો ચોરીનો મુદ્દામાલ કબજે કર્યો હતો.પ્રાથમિક પૂછપરછમાં જ ત્રણે આરોપીઓએ ૨૪ જગ્યાએ ઘરફોડ ચોરીઓ કરી હોવાની કબૂલાત કરી હતી, જેમાં આરોપી મુકેશ જણાવ્યું હતું કે, ચોરી કર્યાના બીજજા દિવસે તે તમામ છાપા જોતો હતો અને ચોરીની ફરિયાદ દાખલ થઇ છે કે કેમ ? તેની વિગતો મેળવતો હતો.

જો ગુનો દાખલ થયો હોય તો થોડા દિવસ માટે ચોરીઓ કરતાં ન હતા અને જો ગુનો દાખલ ન થાય તો ફરી ચોરીઓ કરવાનું શરૂ કરતાં હતા. પૂછપરછ દરમિયાન આરોપી મહેશ ઉર્ફે લાલ અગાઉ પણ ૧પ થી ૨૦ ઘરફોડ ચોરીઓમાં સંડોવાયેલ હોવાનું તેમજ તેને પાસા થઇ હોવાનું પણ ખુલવા પામ્યું હતું.જ્યારે આરોપી સંજય રાઠવાએ મકરપુરામાં અગાઉ ચોરી કરતી વખતે વોચમેનને ઇંજા પહોંચાડી હોવાની કબૂલાત કરી હતી. પોલીસે આરોપીઓ અન્ય ઘણી ચોરીઓમાં પણ સંડોવાયેલા હોવાનું ખુલતા ત્રણે શખ્સની પૂછપરછ હાથ ધરી છે.

આ અંગે વધુ વાંચવા તસવીર પર ક્લિક કરો....