સાણંદ વોર્ડ 1ની પેટા ચૂંટણી યાદી જાહેર થઇ : 3 ઉમેદવાર જાહેર, બે પરત ખેંચાયા

સાણંદ | નગરપાલિકા વોર્ડ ૧ના પ્રવિણાબેન મનુભાઇ ચૌહાણનું કુદરતી અવસાન થતાં આ બેઠક ખાલી પડેલ છે. જે બેઠકની પેટા ચૂંટણી આગામી 22 માર્ચે યોજાવનાર છે જેમાં કુલ 5 લોકોએ ઉમેદવારી નોંધવી હતી.ગુરુવારે ફાઈનલ યાદી જાહેર થઇ હતી જેમાં ભાજપ તરફથી લક્ષ્મીબેન ઘનશ્યામ ચૌહાણ, કોંગ્રેસ તરફથી ઉર્વશીબેન મહેશભાઈ કો.પટેલ તેમજ આમ આદમી પાર્ટી તરફથી હુલ્લાસબેન ઠાકોરએ ઉમેદવારી નોંધાવી છે. 2 ઉમેદવારોએ પોતાની ઉમેદવારી પરત ખેંચી હતી. 22 માર્ચે સવારે 8થી સાંજના 5 કલાકે મતદાન યોજાશે.