તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Vadodara
  • Padra
  • શાકભાજીનું વેચાણ રિટેલ ચેઈનના કલેકશન સેન્ટરમાં કરવાનો ટ્રેન્ડ વધ્યો

શાકભાજીનું વેચાણ રિટેલ ચેઈનના કલેકશન સેન્ટરમાં કરવાનો ટ્રેન્ડ વધ્યો

4 વર્ષ પહેલા
  • કૉપી લિંક
વડોદરા જિલ્લામાં નાના ખેડૂતો શાકભાજીની ખેતી તરફ વળ્યા

જેના કારણે છેલ્લા એક દશકામાં શાકભાજીનું ઉત્પાદન ડબલ થઈ ગયું છે

જિલ્લામાં આવેલા પાદરા,ડભાસા,ખંડેરાવપુરા,વિશ્રામપુરા,લક્ષ્મીપુરા,બામણગામ,ત્રીકમપુરા,આસોદર,મહુવડ સહિતનાં ગામોના નાના ખેડૂતો દ્વારા પંરપરાગત શાકભાજીની ખેતી કરીને રીટેલ ચેઇનમાં શાકભાજીનું વેચાણ કરવામાં આવી રહ્યું છે. યુનિ.ની કોમર્સ ફેકલ્ટીના બિઝનેસ ઇકોનોમિકસનાં અધ્યાપિકા ડો.સી.હેમા સુંદરી દ્વારા વડોદરા જિલ્લાના નાના ખેડૂતો પર કરવામાં આવેલા સરવેમાં વિગતો બહાર આવી છે. નાના ખેડૂતો દ્વારા શાકભાજી સીધીધું સુપર માર્કેટ ચેઇનના કલેકશન સેન્ટરમાં વેચવામાં આવી રહી છે. ગ્રેડનાં શાકભાજી સીધાં કલેકશન સેન્ટરમાં વેચાણ કરવાના કારણે વચેટિયાની ભૂમિકા હટી જતાં ખેડૂતો અને કંપનીઓને પણ ફાયદો થઇ રહ્યા છે. ગ્રેડનાં શાકભાજીના વેચાણના કારણે કિંમતોમાં 20 ટકા એડવાન્ટેજ થયો છે. ખેડૂતો દ્વારા સારી કવોલિટીનું શાકભાજીનું ઉત્પાદન કરવા તરફ ધ્યાન અપાયું છે. શાકભાજીને ક્રેટસમાં ભરીને ટ્રાન્સપોર્ટ કરવાના પગલે વેસ્ટેજ પણ ઓછું થઇ રહ્યું છે. ખેડૂતોને આખા વર્ષની આવક થતી હોવાના કારણે ખેડૂતો પણ શાકભાજીની ખેતી તરફ આગળ આવ્યા છે. ખેડૂતોના રૂપિયા સીધા બેન્ક એકાઉન્ટમાં જમા થઇ જતા હોય છે. છેલ્લા એક દશકમાં શાકભાજીનું ઉત્પાદન પણ ડબલ થઇ જવા પામ્યું છે. વિવિધ સુપરમાર્કેટ ચેઇનો દ્વારા શાકભાજી સીધાં ખેડૂતો પાસેથી ખરીદવાનો ટ્રેન્ડ વધ્યો છે જેથી ખેડૂતોને ફાયદો થઇ રહ્યાે છે. અગાઉ શાકભાજી સિવાયના પાક લેતા ખેડૂતો હવે 12 માસ शकाशशकारशकाशकाभाशस શાકભાજી પકવી રહ્યા છે.

તમામ સીઝનના શાકભાજીનું ઉત્પાદન કરવામાં આવી રહ્યું છે

ખેડૂતોદ્વારા ભીંડી,દૂધી,કોબીજ,રીંગણાં,પાલક,મેથી,ધાણા,લીબું,સરગવા,કાકડી,કાચાં કેળાં સહિતનાં શાકભાજીઓનું ઉત્પાદન કરવામાં આવી રહ્યું છે. ઉપરાંત અન્ય શાકભાજીઓનું પણ ઉત્પાદન કરવામાં આવી રહ્યું છે.

અન્ય સમાચારો પણ છે...