મેશરી પુલના લોકાર્પણથી કાલોલ-ડેરોલના ગામોને ફાયદો

5 વર્ષ પહેલા
  • કૉપી લિંક
નાયબમુખ્ય મંત્રીના હસ્તે વડોદરા-રતલામ રેલવે લાઇનના લેવલ ક્રોસિંગ નંબર-૩૨ (ડેરોલ સ્ટેશન) ઉપરના રૂા.35.33 કરોડના ખર્ચે નિર્માણ પામનાર ઓવરબ્રિજ, ઘોઘંબા તાલુકાના ખરોડ-માલમહુડી રસ્તાના કરાડ નદી ઉપર રૂા. 6.60 કરોડના ખર્ચે નિર્માણ પામનાર પુલનુ, કાલોલ નગરના 3000 ઘરોમાં ઘર બેઠા ગેસ પૂરોપાડતી 70 કિ.મી લંબાઇ ધરાવતી સ્ટીલ ગેસ પાઇપ લાઇનનું ખાતમુહૂર્ત શાસ્ત્રોક્ત વિધિ સાથે તથા ટુવા-મહેલોલ-વેજલપુર રોડ ઉપર મેશરી બ્રિજનુ સ્ટેજ પરથી રીમોટ કન્ટ્રોલથી તક્તીના અનાવરણ સાથે લોકાર્પણ કરવામાં આવ્યું હતુ.

ના. મુખ્યમંત્રી નીતિનભાઇ પટેલે જણાવ્યું હતુ. કે, કાલોલ અને ડેરોલના લોકોને અવર જવર માટેના વાહનોને રતલામ- વડોદરા વચ્ચે રોજની 200 જેટલી ટ્રેનોના આવન જાવન થકી સતત 18 થી 20 કલાક ફાટક બંધ રહેતાં ઘણી મુશ્કેલી પડતી હતી. ઘણા વર્ષો જુની લોકોની માગના નિવારણ માટે રેલ્વે ઓવરબ્રિજ તથા ઘર બેઠા મહિલાઓને રસોઇ બનાવવા માટે ગેસ બોટલની માથાકૂટને દૂર કરવા ગુજરાત ગેસપાઇપ દ્વારા સ્ટીલ પાઇપ લાઇનનુ કામ ખૂબજ ઝડપથી પરિપૂર્ણ કરાશે. રેલવે ઓવર બ્રિજ થકી કાલોલ અને રેલવે લાઇનની બીજી બાજુના ડેરોલ સહિત ગામોને ઝડપથી અવર જવર કરી થશે. પ્રશ્નોના નિરાકરણ માટે શરૂ કરાયેલા સેવા સેતુ કાર્યક્રમ થકી 7 લાખ કરતાં વધુ પ્રશ્નોનો નિકાલ કરાયો છે. જ્યારે માર્ગ અને મકાન રાજ્ય મંત્રી જયદ્રથસિંહ પરમારે જણાવ્યું હતુ કે, રાજ્ય સરકારે પંચમહાલ જિલ્લામાં 7680 લાખના ખર્ચે પાવાગઢ માચી સુધી ફોરલેન રસ્તા, 5400 લાખ પાકા રસ્તાઓ માટે, 3900 લાખ બ્રિજો માટે, 116.70 કરોડ રીફ્રેસીંગના 9235 કામો પૂર્ણ કરાયા છે. 3440 લાખના ખર્ચે 5 મોટા બ્રિજોના કામો પૂર્ણ કરાયા. શિક્ષણ માટે 5 મોડલ સ્કુલો સહિત મોડેલ ગર્લ્સ સ્કુલોના ભવનો 1500 લાખના ખર્ચે પરિપૂર્ણ કરાયા છે. 13 કરોડના ખર્ચે કાલોલ તાલુકા પંચાયત ભવનનું નિર્માણ થશે.

તા. કોંગ્રેસ પ્રમુખ સહિત 12ની આગોતરા અટક કરાઇ

કાલોલતાલુકામાં ગેસ પાઇપલાઇન તથા ડેરોલ સ્ટેશનના ઓવરબ્રિજનુ ખાતમુહત રાજ્યના ના.મુખ્યમંત્રીના હસ્તે કરવામાં આવ્યુ હતુ. પ્રસંગે સાવચેતીના ભાગરુપ પોલીસે તાલુકાના કોગ્રેસ પ્રમુખ પ્રદીપસિ઼હ સહિતના 12 જેટલા કાર્યકરોની આગોતરા અટકાયત કરવામાં આવી હતી સરકારના પ્રજાલક્ષીકામોના ખાતમહુર્તમાં કોગ્રેસના કાર્યક્રો દ્રારા વિધ્ન ઉભુ કરાછને લઇને પોલીસે પગલુ ભર્યુહતુ કાર્યક્રમ પૂરો થયા બાદ તેઓને છોડી મુકાયા હતા.

70 કિ.મી લંબાઇ ધરાવતી પાઇપલાઇનનું ખાતમુહૂર્ત કરાયુ

કાલોલ-ડેરોલ રેલવે બ્રીજનું નાયબ CMના હસ્તે ખાતમુહૂર્ત

અન્ય સમાચારો પણ છે...