તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ગુડાના 100 રિઝર્વ પ્લોટને કંપાઉન્ડ વોલથી સુરક્ષિત કરાશે

2 વર્ષ પહેલા
  • કૉપી લિંક
ગાંધીનગર શહેરી વિકાસ સતામંડળ હસ્તકની જમીનના વિવિધ ટાઉન પ્લાનિંગ સ્કીમમાં આવેલા 100થી વધુ પ્લોટમાં દબાણ થતાં અટકાવવા માટે પ્લોટ ફરતે પાકી કમ્પાઉન્ડ વોલ બાંધવાનું કામ શરૂ કરાયું છે. ગુડાના ઇજનેરી સુત્રોના જણાવવા પ્રમાણે તેના પાછળ રૂપિયા 6 કરોડનો ખર્ચ કરવામાં આવશે.

બીજી તરફ સ્વાભાવિક રીતે જ ટીપી ફાઇનલ થવાની સાથે જાહેર ઉપયોગ માટે ગુડાને કપાતમાં મળેલી જમીનના પ્લોટ જેમના તેમ ખુલ્લા પડી રહેવાથી તેમાં દબાણ ઉભા થઇ જાય છે અને દબાણ દુર કરવાની વાત આવે ત્યારે કોઇપણ તંત્ર માટે નેવાના પાણી મોભારે ચઢાવવા જેવી સ્થિતિનું સર્જન થાય છે.

આ સંજોગોમાં રાયસણ, કુડાસણ, વાવોલ, સરગાસણ, કોબા સહિતના વિસ્તારમાં ગુડા હસ્તકના ખાલી અને વિવિધ હેતુ માટે રિઝર્વ રાખવામાં પ્લોટનું રક્ષણ કરવા માટે પાકી દિવાલ બાંધવા નિર્ણય લેવામાં આવ્યા પછી આ કાગીરી ચાલુ કરી દેવામાં આવી છે. હાલમાં 8 જેટલા પ્લોટની કમ્પાઉન્ડ વોલના બાંધકામ પૂર્ણ કરી દેવામાં આવ્યા છે. નોંધવું રહેશે કે વર્ષની શરૂઆતે ગુડાના પ્લોટનો ઉપયોગ કરતા એક રેસ્ટોરન્ટ સામે કાર્યવાહી કરાવવામાં આવી હતી અને ગુડાની જમીન ખાલી કરાવવામાં આવી હતી. આવી સ્થિતિનું સર્જન થતું અટકે તેના માટે હવે તમામ પ્લોટ ફરતે દિવાલ બાંધી દેવામાં આવશે.

અત્રે ઉલ્લેખનીય છે કે શહેરમાં તેમજ આસપાસના વિસ્તારમાં જયા જ્યાં ગુડા હસ્તકના રિર્ઝવ પ્લોટ આવેલા છે તેનો કોઈને કોઈ રીતે ખોટો ઉપયોગ થતો હોવાની ફરિયાદો મળતા ગુડા તરફથી હવે તેને સુરક્ષિત કરવામા આવશે.

અન્ય સમાચારો પણ છે...