બનેવીએ સાળાની હત્યા કરવા ધાડ પાડવાનું નાટક રચ્યું હતું

8 વર્ષ પહેલા
  • કૉપી લિંક

-નાની બોરિયાળીમાં પખવાડિયા પહેલાં થયેલા લૂંટ વીથ મર્ડરનો ભેદ ઉકેલાયો
-પત્ની તરીકે લાવેલી યુવતી જતી રહ્યા બાદ તેની કોઇ ખબર આપતો ન હોવાથી અદાવત

ગરબાડા તાલુકાના નાની બોરિયાળા ગામે પખવાડિયા પહેલાં ત્રણ ઘરોમાં ધાડ પાડીને લૂંટારુ ટોળકી દ્વારા એક યુવકની હત્યા કરવાની ઘટનાનો ભેદ ઉકેલાયો છે. જેમાં પત્ની તરીકે ભગાવી લાવેલી યુવતી જતી રહ્યા બાદ તેની કોઇ ખબર આપતો ન હોવાની અદાવતમાં યુવતીના ભાઇની હત્યા કરવા માટે મુવાલિયા ગામના યુવકે આ લૂંટનું તરકટ રચ્યું હોવાનું સામે આવતાં પોલીસ પણ ચોંકી ઉઠી હતી. પોલીસે હત્યારા યુવકની ધરપકડ કરીને કાયદેસરની કાર્યવાહી હાથ ધરી છે.

પ્રાપ્ત જાણકારી અનુસાર ગત ૨૭ ફેબ્રુઆરીની રાત્રે લૂંટારુ ટોળકીએ નાની બોરિયાળા ગામના પૂજારા ફળિયામાં ત્રણ ઘરોમાંથી ૪પ હજાર રૂપિયાના મુદ્દામાલની લૂંટ કરી હતી. આ સાથે સવિતાબહેન પૂજારાના પુત્ર સુનીલની ઘાતકી હત્યા કરી દેવામાં આવી હતી. આ ઘટનામાં પીએસઆઇ આર.એસ પટેલે તલસ્પર્શી‍ તપાસ બાદ મુવાલિયા ગામના દિનેશ સમસુ પણદાની ધરપકડ કરી હતી. દિનેશની પૂછપરછ દરમિયાન ચોંકાવનારી વિગતો સામે આવી હતી.

જેમાં નાની બોરિયાળીની શર્મી‍લા નામક યુવતીને પત્ની બનાવવા ભગાવી લાવ્યા બાદ કોઇ કારણોસર શર્મિ‌લા ક્યાંક જતી રહી હતી. આ માટે સુનિલને જવાબદાર ગણીને તે શર્મિ‌લાની ખબર આપતો ન હોવાની અદાવતમાં દિનેશે તેની હત્યાનું કાવતરું ઘડયું હતું. જેમાં પોતાના મિત્રોને સાથે લઇ લીલા રંગના લોડિંગ ટેમ્પોમાં તે ૨૭મીની રાત્રે નાની બોરિયાળા ધસી ગયો હતો. ત્યાં લૂંટાફાટ સાથે તેણે કુહાડીના ઘા મારીને સુનિલની હત્યા કરી નાખી હતી. આ કબૂલાત બાદકોર્ટમાં રજૂ કરીને પોલીસે દિનેશના રિમાન્ડ મેળવીને હત્યાના ઉપયોગમાં લેવાયેલી કુહાડી કબજે લઇને આગળની તપાસ હાથ ધરી છે.

આ અંગે વધુ વાંચવા તસવીર પર ક્લિક કરો...