છુટાછેડા લેવા માટે પતિએ પત્નીને માર મારતાં ફરિયાદ

કોર્ટમાં જતી વખતે રસ્તામાં હુમલો

DivyaBhaskar News Network | Updated - Sep 09, 2018, 02:20 AM
Dahod - છુટાછેડા લેવા માટે પતિએ પત્નીને માર મારતાં ફરિયાદ
દાહોદ શહેર નજીક આવેલા છાપરી ગામે કોર્ટમાં મુદ્દતે જતી પત્નીને રસ્તા વચ્ચે રોકીને પતિએ તુ મારી સાથે છુટ્ટાછેડા લઇ લે તેમ કહીને મારામારી કરી હતી. આ મામલે પત્નીએ પતિ સામે દાહોદ તાલુકા પોલીસ મથકે ફરિયાદ નોંધાવી છે.

પોલીસ સૂત્રો પાસેથી પ્રાપ્ત માિહતી અનુસાર, દાહોદ શહેરના ગોદીરોડ વિસ્તારમાં રહેતી યાસ્મીનબાનુ કાજી કોર્ટમાં કેસ ચાલતો હોવાથી તારીખે જઇ રહી હતી. ત્યારે સવારના 11 વાગ્યાના અરસામાં કોર્ટ નજીક મળેલા ઠક્કર ફળિયામાં રહેતાં પતિ સબીરૂદ્દીન કાજીએ યાસ્મીનને રસ્તામાં રોકી હતી. તુ મારી સાથે છુટ્ટાછેડા લઇ લે તેમ કહીને બોલાચાલી કરી હતી.

આ ઉપરાંત મારૂ ઘર ખાલી કરી દે નહીં તો તારા બંને બાળકોને જાનથી મારી નાખીશ તેવી ધમકી આપીને મારામારી કરી હતી. આસપાસના લોકોએ દોડી આવીને યાસ્મીનને વધુ મારથી બચાવી હતી. આ બનાવ અંગે યાસ્મીને દાહોદ તાલુકા પોલીસ મથકે ફરિયાદ નોંધાવી હતી. પોલીસે ગુનો દાખલ કરીને આગળની કાયદેસરની કાર્યવાહી હાથ ધરવામાં આવી છે.

X
Dahod - છુટાછેડા લેવા માટે પતિએ પત્નીને માર મારતાં ફરિયાદ
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App