Divya Bhaskar

Home » Madhya Gujarat » Latest News » Anand » Anand - સાસરીમાં જવા રૂપિયા ન હોવાથી દારૂડિયાએ મધરાતે બસ ઉઠાવી, અકસ્માત બાદ પકડાયો

સાસરીમાં જવા રૂપિયા ન હોવાથી દારૂડિયાએ મધરાતે બસ ઉઠાવી, અકસ્માત બાદ પકડાયો

Divyabhaskar.com | Updated - Sep 13, 2018, 02:05 AM

નડિયાદ બસ મથકમાંથી સ્પેરમાં પડેલી બસને સોજીત્રાનો ઇસમ ઉઠાવી ગયો માતર જતાં રસ્તામાં અોવરબ્રિજની રેલિંગ...

  • Anand - સાસરીમાં જવા રૂપિયા ન હોવાથી દારૂડિયાએ મધરાતે બસ ઉઠાવી, અકસ્માત બાદ પકડાયો
    નડિયાદ બસ મથકમાંથી મંગળવારે રાત્રે એક શખ્સ પોતાની સાસરિયામાં જવા પૂરતા રૂપિયા ન હોવાથી રાજાપાઠમાં સ્પેરમાં પડેલી એસ.ટી. બસ હંકારી જતાં ભારે દોડધામ મચી હતી. તો રસ્તામાં આવતાં એક ઓવરબ્રિજ અને ચર્ચની દિવસા સાથે ભટકાયો હતો. અંતે આ ઇસમને પશ્ચિમ પોલીસે ઝડપી પાડી, શહેર પોલીસને હવાલે કરતાં પોલીસ દ્વારા તપાસ હાથ ધરવામાં આવી છે.

    નડિયાદ બસ મથકમાં મંગળવારે રાત્રે 1.45ના અરસામાં ઉભેલી બસ નંબર જીજે-18-વાય-9757માં સોજીત્રાના ત્રાંબોલ ગામનો ઇસમ ચઢ્યો હતો. જેના પાસે માતર પોતાની સાસરિયામાં જવા પૂરતા રૂપિયા ન હોવાથી રાજાપાઠમાં આ ઇસમે બસ ચાલુ કરી અને હંકારી મૂકતાં ફરજ પરના કર્મચારીઓમાં દોડધામ મચી જવા પામી હતી. આ ઘટનાની જાણ પોલીસને કરવામાં આવતાં પોલીસ પણ દોડતી થઇ હતી. બસ મથકથી નીકળેલો આ શખ્સ ઓવરબ્રિજ પર બસ હંકારી હતી. અહીં ઓવરબ્રિજની રેલિંગને બસ અથડાયા બાદ તે આગળ ગયો હતો અને મિશન રોડ ઉપર આવેલા ચર્ચની દિવાલ સાથે ફરી બસ અથડાવી હતી. ચર્ચની દિવાલ તૂટી હતી. દરમિયાન પશ્ચિમ પોલીસની ટીમે તેને ઝડપી પાડ્યો હતો. ઝડપાયેલા શખ્સે પોતાની ઓળખ આણંદ જિલ્લાના સોજીત્રાના ત્રાંબોલ ગામે રહેતો જયંતિ શનાભાઇ પરમાર હોવાનું અને માતર પોતાની સાસરિ્યામાં જતો હોવાનુ જણાવ્યું હતું.પોલીસે તેની અટક કરી છે.

    જો આ ઘટના વહેલી બની હોત તો જાનમાલને નુકસાન થયું હોત

    રાત્રિના 1.45 ના અરસામાં આ ઘટના બની હતી, જે સમયે રેલ્વે સ્ટેશનની આસપાસ પણ લોકોની અવરજવર નહિવત નથી. જો આ જ ઘટના થોડી વહેલી બની હોત તો સ્ટેશનની આસપાસના વિસ્તારમાં જાનમાલને નુકસાન થયું હોત.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Madhya Gujarat

Trending