• Gujarati News
  • Seminar On Mars Orbiter Mission By Gujarat Techno University

અમદાવાદ: મંગળ પર મેસેજ 23થી 26 મિનિટે પહોંચતો

7 વર્ષ પહેલા
  • કૉપી લિંક
- ગુજરાત ટેકનોલોજી યુનિવર્સિટી અને અમદાવાદ અને સ્પેસ એપ્લિકેશન સેન્ટર (ઇસરો) અમદાવાદ દ્વારા ‘માર્સ ઓરબિટર મિશન’ (મોમ) - સ્પેસક્રાફ્ટ એન્ડ મિશન વિષય પર એક સેમિનારનું આયોજન શનિવારે કરવામાં આવ્યું હતું.

અમદાવાદ: ગુજરાત ટેકનોલોજી યુનિવર્સિટી, અમદાવાદ અને સ્પેસ એપ્લિકેશન સેન્ટર(ઇસરો) અમદાવાદ દ્વારા ‘માર્સ ઓરબિટર મિશન’ (મોમ) - સ્પેસક્રાફ્ટ એન્ડ મિશન વિષય પર સેમિનારનું આયોજન શનિવારે કરવામાં આવ્યું હતું. જેમાં ઇસરોનાં ડાયરેક્ટર અને જાણીતાં સાયન્ટિસ્ટ પદ્મશ્રી એ.એસ.કિરણ કુમારે ચીફ ગેસ્ટતરીકે હાજરી આપી હતી.

ઈસરોમાં તમારા માટે ચાન્સિસ છે

આ સેમિનાર વિશે વાત કરતાં જીટીયુનાં ડાયરેક્ટર અક્ષય અગ્રવાલે વિદ્યાર્થીઓને અનુલક્ષીને જણાવ્યું હતું કે, ઇસરોમાં ભાગ્યેજ આઇઆઇટીનાં એન્જિનિયર્સ કે સાયન્ટિસ્ટ્સ કામ કરે છે. ત્યાં સામાન્ય કોલેજીસમાંથી પાસ થયેલાં એન્જિનિયર્સ છે. ઇસરોમાં છેલ્લે 1980માં કોઇ આઇઆઇટીમાંથી પાસ આઉટ વિદ્યાર્થીએ ઇસરોમાં ફરજ બજાવી હતી. ત્યારે હું તમને બધાંને કહીશ કે ઇસરોમાં તમારા કામ કરી શકવાનાં ચાન્સિસ છે. તેમણે ‘મોમ’ વિષય પર સેમિનાર યોજવા અંગે કહ્યું કે, ભારતની માર્સ ઓરબિટ મિશનની સિદ્ધિની પ્રક્રિયાને વિદ્યાર્થીઓ ઇસરોનાં ડાયરેક્ટર પાસેથી જાણે તે માટે અમે આ સેમિનારનું આયોજન કર્યું છે.

સેમિનારની શરૂઆતમાં ઇસરોનાં ડાયરેક્ટર એ.એસ.કિરણ કુમારે ‘માર્સ ઓરબિટ મિશન’ વિશે જણાવ્યું હતું કે, મનુષ્યને માટે સંશોધન એ તેની વર્ષોથી નબળાઇ છે. પછી ભલેને તે દરિયાની સેઇલિંગ સિસ્ટમ બનાવવામાં હોય કે એરક્રાફ્ટ, બલૂન્સ કે રોકેટ બનાવવાનું હોય, દરેકમાં આપણને કંઇક નવું સંશોધન કરવું છે.

મંગળ પર પહોંચ્યા બાદ પડકાર કોમ્યુનિકેશનનો

કિરણકુમારે કહ્યું કે, અમે ચંદ્રયાન મિશનની શરૂઆત કરી હતી, તેનાથી અત્યંત મુશ્કેલીઓ વચ્ચે અમે માર્સ ઓરબિટ મિશનને લોન્ચ કરી શક્યાં છે. કારણ કે, માર્સ પૃથ્વીથી ઘણું દૂર છે અને અમારે ત્યાં ગુરુત્વાકર્ષણ બળનાં પ્રભાવની બહાર જવાનું હતું. જે લગભગ 4 લાખ કિલોમિટર પૃથ્વીથી દૂર અમારે માર્સ પર પહોંચવાનું હતું. મંગળ પર પહોચ્યાં બાદ અમારા માટે સૌથી મોટો પડકાર કોમ્યુનિકેશનનો રહ્યો હતો. કારણ કે પૃથ્વી પરથી અમે જે મેસેજ મંગળ પર અહીંથી મોકલીએ તેની 23થી 26 મિનિટ બાદ તે ત્યાં પહોંચી શકતો હતો. અને ત્યાંનો મેસેજ અહીંયા પહોંચતા 13 મિનિટ જેટલો સમય લેતો હતો. ગ્રાઉન્ડ સ્ટેશન અને મોમ વચ્ચેની રેડિયો લિન્ક બ્લોક થઇ જતી હતી. સૂર્યના નાનામાં નાના કિરણ સેટેલાઇટને ડિસ્ટર્બ કરતા હતા.
આગળ વાંચો, મંગળ યાન કેમ સફળ રહ્યું? મંગળ પર જીવનની કેટલી શક્યતાઓ છે, મિશનમાર્સમાં કેવી અડચણો આવી, મિશનના સફળ થવાના કારણો