વિલફુલ ડિફોલ્ટરોને કારણે બેંકોના 13 લાખ કરોડ ડૂબ્યા: 29મીએ બેંક હડતાળ

અમદાવાદ : રાષ્ટ્રીયકૃત  અને ખાનગી બેંકોમાંથી જંગી રકમની લોન લઈને પરત ન ચૂકવનાર ડિફોલ્ટરોની સંખ્યા વધતી જાય છે અને આ પ્રકારે વિલફુલ ડિફોલ્ટર થયેલાઓને કારણે અંદાજે રૂ. 13 લાખ કરોડના શકમંદ લેણાં થઈ ગયા છે. જંગી લોન લીધા પછી તે ભરપાઈ ન કરવાને કારણે બેંકોની નોન- પરફોર્મિંગ એસેટ્સ પણ વધી ગઈ છે. આ પ્રકારના ડિફોલ્ટરો સામે કડક પગલાં લઈ શકાય તે માટે કાનૂની જોગવાઈઓમાં સુધારા કરીને તેમજ ત્રણ મહિનામાં કેસની પતાવટ કરીને કસૂરવારને કેદ અને દંડ સહિત આકરી સજા ફટકારવાની મહાગુજરાત બેંક એમ્પ્લોયીઝ એસોસિએશને માગણી કરી છે.

પ્રજાના કરોડો રૂપિયા ડૂબાડનાર વિલફુલ ડિફોલ્ટરોની યાદી જાહેર કરાઈ છે. પ્રજાના પૈસા પરત લાવવા અને બેંકોના મર્જર સહિતના મુખ્ય મુદ્દે તા.29 જુલાઈ દેશવ્યાપી બેંક હડતાળનું એલાન અપાયું છે. આ એસો.ના જનરલ સેક્રેટરી જનક રાવલે જણાવ્યું કે, બેંક એસોસિને માર્ચ, 2016 સુધીમાં 5,610 વિલફુલ ડિફોલ્ટરની યાદી જાહેર કરી હતી અને તેમાં રૂ. 50 હજાર કરોડથી વધુ નાણાં ફસાયેલ હતા. બેંકોને લોન ન ચૂકવનાર કેટલાંક બિઝનેસમેન વગેરેને રિસ્ટ્રક્ચરિંગ લોન સહિત કુલ રૂ.13 લાખ કરોડ નાણાં સલવાઈ ગયા છે.

 

 

2013    1,17,000
2013    1,64,461
2014    2,16,739
2015    2,78,877
2016    5,39,995