• Gujarati News
  • National
  • માનવસર્જિત પહાડમાં હું પિરાણાપર્વત છું

માનવસર્જિત પહાડમાં હું પિરાણાપર્વત છું

4 વર્ષ પહેલા
  • કૉપી લિંક
માસામાંઆભ ફાટવાથી માંડીને તળાવ ફાટવા સુધીની દુર્ઘટનાઓ ફાટી નીકળે છે. બધાથી જુદા પડવાની હરીફાઈમાં, અમદાવાદની ભાગોળે આવેલા પિરાણામાં કચરાનો ગંજાવર પહાડ ફાટી પડ્યો. પુરાણોમાં હિમાલયથી માંડીને ગિરનાર જેવા પ્રકૃતિસર્જિત પર્વતોનો ઉલ્લેખ હશે, પણ જગતના માનવસર્જિત પહાડોમાં ‘પીરાણિક પર્વત’નો જોટો જડવો મુશ્કેલ છે. ચમત્કાર તો છે કે દરેક શહેરીજન પોતાના અને વિશેષ તો પાડોશીના ઘરઆંગણે જેમજેમ કચરો નાખે છે તેમતેમ પિરાણાપર્વતની ઊંચાઈ વધતી જાય છે.

પિરાણા આસપાસના હિંદુ-મુસ્લિમ શ્રદ્ધાળુઓમાં પ્રવર્તતી માન્યતા અનુસાર પર્વતનાં તેજ અને ભેજ એવાં છે કે, એક માપપટ્ટીનો ઉપયોગ કરો તો પણ, દર વખતે એની ઊંચાઈ જુદીજુદી આવે છે. કમનસીબે, પિરાણાપર્વત શરમથી નહીં, પણ શહેરસુધરાઈની બેદરકારીના કારણે ઝૂકી ગયો. ઘન કચરાના નિકાલના વાયુ વિચાર અને પ્રવાહી કામગીરીના કારણે, પિરાણાનો ‘કથીરિયો ડુંગર’ પોતાના ભારથી નમી પડ્યો. જોકે, તે ભરચોમાસે ખાડે ગયો તેના કારણે ત્યાંના રસ્તા ઉપરના ખાડા કામચલાઉ પુરાઈ ગયા છે!

ઐતિહાસિક સ્થળો ધરાવતા અમદાવાદને હાલમાં ભારતના પ્રથમ ‘વર્લ્ડ હેરિટેજ સિટી’નો દરજ્જો મળ્યો છે. આપણે શહેરની વિવિધ ‘હેરિટેજ સાઇટ’નું ગૌરવ લઈ શકીએ છીએ. પરંતુ શહેરસુધરાઈનો કોઠો પિરાણાપર્વતના મામલે અચકાટ અનુભવે છે. આથી, તે ‘હેરિટેજ સાઇટ’ તરીકે જાહેર થાય નહીં તો કાંઈ નહીં, પણ તેને છેવટે ‘હેઝિટેટ સાઇટ’ જાહેર કરી દેવી જોઈએ! નવાઈની વાત છે કે, ‘માહિતી અધિકાર કાનૂન’ અંતર્ગત બહાર આવેલા અખબારી અહેવાલ અનુસાર, ઈ.સ. 2000થી ઈ.સ. 2015 સુધીના સમયગાળામાં, સત્તાધારી કે વિરોધપક્ષે માનવવિસર્જિત પિરાણાપર્વત મામલે, એકપણ વખત અધિકૃત અને ગંભીર રીતે ચર્ચા કરી નથી કે સવાલ ઉઠાવ્યો નથી.

જ્યારે બહુ મોટો દોષ થઈ જાય ત્યારે ‘પહાડ જેવડી મોટી ભૂલ’ જેવો શબ્દપ્રયોગ થાય છે. પ્રકારની ભૂલને અંગ્રેજીમાં ‘હિમાલિયન બ્લન્ડર’ તરીકે પણ ઓળખવામાં આવે છે. ચોમાસામાં આપણે છેક હિમાલય સુધી લાંબા થવું હોય તો ઘરઆંગણે ‘પીરાનિયન બ્લન્ડર’ જેવો પ્રયોગ કરી શકીએ છીએ. રીતે, જ્યારે અચાનક કોઈ મોટું સંકટ આવી પડે ત્યારે ‘પહાડ તૂટી પડવો’ જેવો રૂઢિપ્રયોગ કરવામાં આવે છે. ભલે કચરાનો પણ, પહાડ તૂટી પડ્યો, કોઈ અમંગળનાં એંધાણ તો નથી ને?

}ashwinkumar.phd@gmail.com

અન્ય સમાચારો પણ છે...