બોગસ ખરીદી કરતા બે વેપારી સામે પોલીસ ફરિયાદ

ભાસ્કર ન્યૂઝ. પાટણ
પાટણ માર્કેટયા‌ર્ડ‌ની એક પેઢીનો ટીન નંબર રદ થયો હોવા છતાં બે વેપારીઓએ બોગસ ખરીદી કરીને સરકારનો વેરો, તેનું વ્યાજ અને દંડ મળી કુલ રૂ. ૩૪,૩૯,૩૭૮ ડૂબાડયા હોવાથી વાણિજ્ય વેરાના અધિકારીએ બંને વેપારીઓ સામે પોલીસ મથકે કાયદેસરની કાર્યવાહી કરી હતી. ઉલ્લેખનીય છેકે, અગાઉ પણ પાટણના બે વેપારીઓએ સરકારમાં વ્યવસાય વેરો ન ભરતાં તેની સામે કાર્યવાહી કરી હતી.
પાટણ માર્કેટયા‌ર્ડ‌માં આવેલી બી.કે.ટ્રેડ‌ર્સ પેઢીનો ખરીદી માટેનો ટીન નંબર રદ કરવામાં આવ્યો હતો. તેમ છતાં તે પેઢીના વેપારી થરાના દિનેશકુમાર વાલજીભાઇ સુથાર અને પાટણના કનુભાઇ માવજીભાઇ ખત્રીએ અનધિકૃત રીતે ખરીદી કરી હતી અને સરકારનો રૂ. ૧૧૦૯૪૭૭ વેરો, રૂ. ૬૬પ૬૮૬ વ્યાજ અને રૂ. ૧૬૬૪૨૧પ દંડ મળીને કુલ રૂ. ૩૪૩૯૩૭૮ ડૂબાડી એકબીજાને મદદગારી કરતાં વાણિજ્ય વેરા અધિકારી જે.એમ.પરમારે પાટણ શહેર બી ડિવિઝન પોલીસ મથકે આ અંગેની બંને વેપારીઓ સામે ફરીયાદ નોંધાવી હતી.