• Gujarati News
  • ભવિષ્યના જ્ઞાનનું બીજ બની શકે છે આજની જાણકારી

ભવિષ્યના જ્ઞાનનું બીજ બની શકે છે આજની જાણકારી

7 વર્ષ પહેલા
  • કૉપી લિંક
લે અમે ઘરે જમી રહ્યા હતા ત્યારે ડાઇનિંગ ટેબલ પર અમારી ચર્ચાનો વિષય નમો’ ((નરેન્દ્ર મોદી))ની આસપાસનો હતો. આ સાથે લોકસભાની ચૂંટણી પર પણ ચર્ચા થઈ હતી. મારી દીકરીની સાથે તેની ત્રણ સહેલીઓ પણ હતી. ધૂંઆધાર માહિ‌તી સાથે તેમણે ચર્ચામાં ભાગ લીધો. નરેન્દ્ર મોદીનો વડાપ્રધાનકાળ કેવી રીતે લોકશાહીના ઈતિહાસમાં સ્થાન મેળવશે એ વિશે તેઓ કહી રહી હતી. આઝાદ ભારતની આ સૌથી લાંબી ચૂંટણી હતી. લોકસભાની પ૪૩ બેઠકો માટે ૮,૨પ૧ ઉમેદવારો મેદાનમાં હતા. મને એ વાતનો ખ્યાલ હતો કે મારી સામે પણ યુવાપેઢી છે અને તે બોર પણ થઈ શકે છે. તેથી મેં ચર્ચાનું વલણ મારા પિતાજી તરફ વાળી દીધું. તેઓ અત્યંત રસપૂર્વક દેશની પ્રથમ ચૂંટણી વિશે બોલી રહ્યા હતા. તેમણે પોતાના પિતા અને દાદાજી વિશેની રસપ્રદ ઘટનાઓ પણ જણાવી. તેમણે કહ્યું કે કેવી રીતે તેમની માતાએ વોટરોનાં નામ નોંધવા માટે આવેલા અધિકારીને પોતાનું નામ કહેવાનો ઈનકાર કરી દીધો હતો. મારા પિતાજીએ જેમ તેમ કરીને દાદીજીને મનાવ્યાં અને વોટર લિસ્ટમાં નામ લખાવ્યું. મારા પિતાજીએ કહ્યું કે દેશની મોટાભાગની મહિ‌લાઓની આવી જ સ્થિતિ હતી. ચૂંટણીપંચ માટે આ એક મોટી સમસ્યા હતી. દેશના પ્રથમ વડાપ્રધાન જવાહરલાલ નેહરુ ઈચ્છતા હતા કે દેશની પ્રથમ સામાન્ય ચૂંટણી ૧૯પ૧માં જ થાય, તેથી તેમણે ચૂંટણીપંચની સ્થાપના કરી. એ વખતે વોટરોની સંખ્યા ૧૭.૬પ કરોડની હતી જેમાંથી ૮૭ ટકા તો અભણ હતા. જો કે આ તમામ અવરોધો છતાં ૧૯પ૨માં દેશના પ્રથમ સામાન્ય ચૂંટણી થઈ શકી. આજના હિ‌સાબે જોવામાં આવે તો એ વખતના ઘણા આંકડા જાણવા જેવા હતા. જેમ કે પહેલી વખત પ્રાંતીય વિધાનસભાઓની બેઠકો સહિ‌ત કુલ ચાર હજાર બેઠકો માટે ચૂંટણી થઈ હતી તથા કુલ ૨.૮૦ લાખ ચૂંટણી કર્મચારી અને પ૬ હજાર પ્રિસાઇડિંગ ઓફિસરો તહેનાત કરાયા હતા. આ ચૂંટણી પર સમગ્ર દુનિયાની નજર હતી અને તત્કાલીન ચૂંટણી કમિશનર સુકુમાર સેને તેને સફળતાપૂર્વક પાર પાડી હતી ત્યારથી લઈને અત્યાર સુધી ચૂંટણીપંચ આપણી વ્યવસ્થાનો મહત્ત્વનો હિ‌સ્સો છે. ૧૯૯૦-૯૬માં ટીએન શેષન ચૂંટણી કમિશનર હતા ત્યારે તેમણે જનતાનું ધ્યાન ખેંચ્યું હતું, તેમણે જે પગલાં ભર્યાં તેની પ્રશંસા થઈ. ચૂંટણી કમિશનર વીએસ સંપત શાંતિપૂર્વક ચૂંટણી સંપન્ન કરાવી શક્યા છે તો તેમાં શેષને કરેલા સુધારાઓનું મહત્ત્વનું યોગદાન છે.
ફંડા એ છે કે માતા-પિતા તરીકે બાળકોને જાણકારી આપવી એ આપણી ફરજ છે. આજની જાણકારી તેમના માટે આવતીકાલે જ્ઞાન પુરવાર થઈ શકે છે. જાણકારી જ્ઞાનનું બીજ છે, જે આપણે વાવવું જોઈએ, આજે આ જ કામ આવનારી પેઢી માટે કરવાનું છે.