• Gujarati News
  • ૧૦૦થી વધુ બેન્ક એકાઉન્ટ દ્વારા અફરોઝ ફટ્ટા વિદેશમાં નાણાં મોકલતો હતો

૧૦૦થી વધુ બેન્ક એકાઉન્ટ દ્વારા અફરોઝ ફટ્ટા વિદેશમાં નાણાં મોકલતો હતો

8 વર્ષ પહેલા
  • કૉપી લિંક
નિમેષ ખાખરીયા, પ્રશાંત દયાળ. અમદાવાદ
એન્ફો‌ર્સમેન્ટ ડારેકટરેટ ઝડપી પાડવામાં આવેલા હવાલા કૌભાંડમાં સુરતના અફરોઝ ફટ્ટા દ્વારા વિવિધ બેન્કોમાં ખોલાવેલા એક સો કરતા વધુ બેન્ક એકાઉન્ટ દ્વારા ચાલુ વર્ષના જાન્યુઆરી અને ફેબ્રુઆરી માસમાં પાંચ હજાર કરોડ કરતા વધુની રકમ હોંગકોંગ અને સિગાપોરના બેન્ક એકાઉન્ટમાં ટ્રાન્સફર કરવામાં આવી હોવાનું બહાર આવ્યું છે. એન્ફો‌ર્સમેન્ટના અધિકારીઓના ધ્યાનમાં આ પ્રકારનું પહેલું હવાલા કૌભાંડ ધ્યાનમાં આવ્યું છે, જેમાં વાસ્તવિક રીતે જ પૈસાની હેરાફેરી કરવામાં આવી છે. સામાન્ય રીતે હવાલામાં વાસ્તવિક રીતે પૈસાની હેરાફેરી થતી નથી.
એન્ફો‌ર્સમેન્ટ અધિકારીઓ માને છે કે આ બન્ને મહિ‌નાઓ પહેલા પણ અફરોઝ દ્વારા હવાલાઓ કરવામાં આવ્યા હોવાની શંકા છે. જે અંગે તેમણે બેન્ક અધિકારીઓ પાસે તેની વિગતો માંગી છે. ૨૦૦૪માં અંકલેશ્વરમાં એક્સ્પો‌ર્ટ ઓરિએન્ટેડ યુનિટ ધરાવતો અફરોઝ જે માત્ર કોપર સ્ક્રેપનું કામ કરતો હતો અને તે માત્ર દસ વર્ષના ગાળામાં અબજોનો કારોબાર કરતો કેવી રીતે થઈ ગયો તેની તપાસ પણ કરવામાં આવી છે. આખા કિસ્સામાં અફરોઝને રાજકારણીઓની છત્રછાયા કરતા ઉચ્ચ સરકારી અમલદારો જેમાં ગુજરાત સહિ‌ત ભારત સરકારની વિવિધ એજન્સીઓમાં કામ કરતા અમલદારોની મદદ કામે આવી હતી. ... અનુસંધાન પાના નં. ૪

એન્ફો‌ર્સમેન્ટ અધિકારીઓની તપાસમાં અફરોઝ કોની કોની પૈસા દેશ બહાર મોકલતો હતો તેની તપાસ પણ ચલાવી રહ્યા હતા. આ ઉપરાંત હોંગકોંગ અને સિગાપોરમાં કોના નામે બેન્ક એકાઉન્ટ હતા તેની પણ તપાસ થઈ રહી છે. સંભવ છે કે કેટલાક નેતાઓ અને અધિકારીઓની મુશ્કેલી વધી શકે છે.