ગોવા ખાતે રમાયેલી ક્રિકેટ ટુર્ના.માં કચ્છની સ્પીડી એકેડમીનો વિજય

મેન ઓફ ધી સિરીઝ ભુજના જિગર ઠક્કર બન્યા
ભાસ્કર ન્યૂઝ.ભુજ
ગોવા ખાતે તાજેતરમાં રમાયેલી ક્રિકેટ ટુર્નામેન્ટમાં ગોવા ક્લબ સામે કચ્છ સ્પીડી એકેડમીની ટીમ ટકરાઇ હતી, જેમાં કચ્છથી ગયેલા ખેલાડીઓએ વિજય મેળવ્યો હતો.
૬ મેચમાંથી ૪ મેચ જીતીને કચ્છે શ્રેણી વિજય મેળવ્યો હતો. ભુજના જિગર શરદભાઇ ઠક્કર મેન ઓફ ધી સિરીઝ જાહેર થયા હતા. કેપ્ટન ઓમદેવસિંહ જાડેજાની રાહબરી હેઠળ સ્પીડી એકેડમીના બેસ્ટ બોલર હર્ષિ‌લ ઠક્કર, બેસ્ટ બેટ્સમેન હિ‌ત ઠક્કર, કિપર પ્રશાંત ચૌહાણ, બેસ્ટ ફિલ્ડર રવિરાજ જાડેજા ઘોષિત કરાયા હતા. અન્ય ખેલાડીઓ પાર્થ વરૂ, યશ ખોના, નિતિન પટેલ, યશ ઠક્કરે સારો દેખાવ કરીને ટીમને વિજય અપાવ્યો હતો. સ્પીડી એકેડમીના મેનેજર મુકેશ ગોરે ખેલાડીઓને અભિનંદન પાઠવ્યાં હતાં ક્રિકેટ શ્રેણી દર વર્ષે રમાશે તેવું જણાવ્યું હતું.