તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • સૌરાષ્ટ્રે સિંગદાણાના વૈશ્વિક વેપારમાં વર્ચસ્વ ગુમાવ્યું : નિકાસને મોટો ફટકો

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સૌરાષ્ટ્રે સિંગદાણાના વૈશ્વિક વેપારમાં વર્ચસ્વ ગુમાવ્યું : નિકાસને મોટો ફટકો

7 વર્ષ પહેલા
  • કૉપી લિંક
ભાસ્કર ન્યૂઝ. રાજકોટ
સરકારે એક વર્ષ પહેલા સિંગદાણાની નિકાસ માટેના નવા અને જટીલ નિયમો અમલી કરતા તેની સીધી અસર સૌરાષ્ટ્રના ઉત્પાદકો, ખેડૂતો અને નિકાસકારો પર પડી છે. નવા નિયમોથી શિપમેન્ટમાં વિલંબ અને ઊંચી પડતરને કારણે લેવાલી ઘટી જતાં સિંગદાણા ઉત્પાદનનો ઉદ્યોગ મૃત:પાય થવાની તૈયારીમાં છે અને સૌરાષ્ટ્રે વિશ્વ લેવલે સિંગદાણાના વેપારમાં વર્ચસ્વ ગુમાવી દીધું છે અને વૈશ્વિક ખરીદદારો અમેરિકા અને આફિક્રા તરફ વળી ગયા છે.
દેશમાંથી થતી સિંગદાણાની કુલ નિકાસમાં સૌરાષ્ટ્રનું પ્રદાન પ૦-૬૦ ટકા હોય છે. આ વર્ષે મગફળીના મબલખ ઉત્પાદન છતાં પણ સિંગદાણા ઉત્પાદકોની સ્થિતિ કફોડી બની છે. ગુજરાત ઓઇલ સિડસ પ્રોસેસ‌ર્સ એસોસિએશનના પ્રમુખ મુકુંદભાઇ શાહે જણાવ્યું હતું કે ગુજરાતમાં ૨૦૦૦ યુનિટ્સ પૈકી હાલમાં ૮પથી વધુ યુનિટસ બંધ છે. સરકારે ફરજિયાત નોંધણી અને ફેક્ટરી અપડેટેશન સહિ‌તના કેટલાક નિયમો અમલી બનાવતા નિકાસના કામ ખોરવાઇ ગયા છે. રશિયા, ફિલિપાઇન્સ અને ઇન્ડોનેશિયા સહિ‌તના મોટાભાગના ખરીદદાર ભારતને બદલે આર્જેન્ટીના, યુગાન્ડા, સુદાન, ટાન્ઝાનિયા અને મોઝામ્બિકથી ખરીદી કરવા લાગ્યા છે. એક વર્ષ પહેલા વિશ્વબજારમાં ૧૪૦૦ ડોલર ભાવ હતા અને આફિક્રાના માલ ૧૦૦૦ ડોલરમાં વેચાતો હતો. અત્યારે નિકાસકારો પાસે ડિમાન્ડ હોય તો પણ માલ મળે તેમ નથી જેના કારણે નિકાસકારો મોટા સોદા કન્ફર્‍મ કરતા નથી. સરકારના અણઘડ નિયમોને કારણે હજારો બહેનોની રોજગારી પણ અટકી ગઇ છે.
વૈશ્વિક માગ ઘટી જતાં તેની અસરરૂપે સિંગદાણા અને મગફળીના ભાવ તૂટી ગયા છે અને ખેડૂતોએ મોટું નુકસાન સહન કરવું પડયું છે. ગત વર્ષે આ સમયે મગફળીનો મણદીઠ ભાવ રૂ.૧૦૦૦ હતો જે આજે ઘટીને રૂ.૭૦૦ સુધી પહોંચ્યો છે. સિંગદાણાનો ટનદીઠ ભાવ રૂ.૭પ,૦૦૦ હતો જે ઘટીને રૂ.૪૮,૦૦૦-૪૯,૦૦૦ સુધી બોલાય છે. એક જ વર્ષમાં ૩૦-૩૩ ટકા ભાવ ઘટી જતાં તેની અસર ઉનાળુ વાવેતર પર પડશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- તમારી મહેનત અને પરિશ્રમથી કોઇ મહત્ત્વપૂર્ણ કામ પૂર્ણ થવાનું છે. કોઇ શુભ સમાચાર મળવાથી ઘર-પરિવારમાં સુખનું વાતાવરણ રહેશે. ધાર્મિક કાર્યો પ્રત્યે પણ રસ વધશે. નેગેટિવઃ- સફળતા મેળવવા માટે મર્...

વધુ વાંચો