તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • સૂચિત ખેરગામ તાલુકો ૧૫ ઓગસ્ટથી અમલમાં

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સૂચિત ખેરગામ તાલુકો ૧૫ ઓગસ્ટથી અમલમાં

7 વર્ષ પહેલા
  • કૉપી લિંક
વિધાનસભાની ચંૂટણી અગાઉ ખેરગામને તાલુકા બનાવી ૨૬મી જાન્યુઆરી ૨૦૧૩થી અમલમાં લાવવાની જાહેરાત મુખ્યમંત્રીએ કરી હતી, પરંતુ સાડા આઠ મહિના વિતવા છતાં આ નિર્ણયનો કોઈ અમલમાં થયો નથી. બે દિવસ પૂર્વે ગાંધીનગરમાં મંત્રી મંડળની પેટા સમિતિની મળેલી બેઠકમાં વિવિધ તાલુકા અને જિલ્લાઓને ૧૫મી ઓગસ્ટ સુધીમાં અમલમાં લાવવાનો નિર્ણય લેવાયો છે, જેમાં ખેરગામ સૂચિત તાલુકાનો પણ સમાવેશ થયો છે.
૨જી ઓકટોબર ગાંધી જયંતીના દિને નરેન્દ્ર મોદીએ એક જાહેર સભામાં ખેરગામને તાલુકો બનાવવાની જાહેરાત કરતા તાલુકાનું સ્વપ્ન સાકાર થતું સામે જોઈ ગામ લોકોએ ઉજવણી કરી હતી, પરંતુ ત્યારબાદ ખેરગામ નજીકના જ રૂમલા ગામને પણ તાલુકો બનાવવાની માગ ઉઠી હતી. જેનો ખેરગામના ગામ લોકોએ વિરોધ કર્યો હતો. રાજ્યમાં જાહેર કરાયેલા ૨૨ તાલુકાઓ પૈકી ઘણી જગ્યાએ તાલુકાઓમાં મુખ્ય મથક જાહેર કરવા મુદ્દે પુષ્કળ પ્રમાણમાં વાંધા અને સ્થાનિકોએ વિરોધ ઉઠાવ્યો હતો. ખેરગામ સૂચિત તાલુકા માટે ઉઠેલા વિરોધ બાદ ચીખલી તાલુકા પંચાયતમાં કલેકટર સંધ્યા ભુલ્લરની અધ્યક્ષતામાં બોલાવાયેલી મિટિંગમાં ખેરગામ તાલુકામાં સમાવિષ્ટ ગામોના સરપંચો અને આગેવાનોને બલાવી અભપિ્રાયો લેવામાં આવ્યા હતા. જેમાં સરપંચો અને આગેવાનોની સૌથી વધારે બહુમતી ખેરગામને તાલુકો બનાવવા માટે મળી હતી. ત્યારબાદ પણ ગ્રામપંચાયતની સભાના ઠરાવો કલેકટરે માગ્યા હતા. જેમાં પણ બહુમતી ગ્રામપંચાયતોએ ખેરગામને તાલુકો બનાવવાનો સૂર વ્યક્ત કર્યો હતો. જ્યારે રૂમલા સહિતના કેટલાક ગામોએ ખેરગામ તાલુકો બને તો ખેરગામના બદલે ચીખલી તાલુકામાં જ રહેવાનું પસંદ કયું હતું. જેથી ખેરગામ માટે અગાઉ નક્કી કરાયેલા ૪૦ ગામોના બદલે હવે ૨૪ ગામો માટેનું જ તાલુકા મથક બનાવવાનું નક્કી કરાયું હોવાનું સૂત્રો દ્વારા જાણવા મળ્યું છે.
સૂચિત ખેરગામ તાલુકાના ગામો
ખેરગામ, ઘેજ, ચરી, વાડ, વાવ, પણંજ, નાંધઇ, નારણપોર, ભૈરવી, પેલાડ ભૈરવી, બહેજ, રૂઝવણી, આછવણી, ડેબરપાડ, ચીમનપાડ, ગાૈરી, વડપાઉ, પાટી, કાકડવેરી, જામનપાડા, પાણી ખડક, તોરણવેરા, નડગધરી, ધામધુમા.

આજનું રાશિફળ

મેષ
Rashi - મેષ|Aries - Gujarati News
મેષ|Aries

પોઝિટિવઃ- આ સમય વિવેક અને ચતુરાઈથી કામ લેવાનો છે. તમારા છેલ્લાં થોડા સમયથી અટવાયેલાં કામ આજે પૂર્ણ થશે. બાળકના કરિયર અને અભ્યાસને લગતી કોઇ સમસ્યાનું પણ સમાધાન મળી શકશે. નેગેટિવઃ- રૂપિયા-પૈસાના મામલ...

વધુ વાંચો