Divya Bhaskar

Home » Maharashtra » Latest News » Mumbai » Twenty Percentage Rate Decrease In Multiplex Food Bevrage- Mumbai HC

મુંબઈ: મલ્ટિપ્લેક્સમાં ફૂડ-બેવરેજીસની કિંમતમાં 20%નો થયો ઘટાડો

Divyabhaskar.com | Updated - Aug 09, 2018, 01:25 PM

બચાવ પક્ષની દલીલ થિયેટરમાં ખાવાનું લઈ જવું એ મૌલિક અધિકાર નથી

  • Twenty Percentage Rate Decrease In Multiplex Food Bevrage- Mumbai HC

    મુંબઈ: બોમ્બે હાઈકોર્ટે બુધવારે મહારાષ્ટ્ર સરકારને પૂછ્યું કે મલ્ટિપ્લેક્સમાં બહારથી ખાવાનું લઈ જવાનું સલામતી માટે કેવી રીતે જોખમી છે? કોર્ટે કહ્યું કે વિમાનમાં પણ લોકો ઘરનું ખાવાનું લઈ જઈ શકે છે તો થિયેટરમાં કેમ નહીં?? મહારાષ્ટ્ર સરકારે હાઈકોર્ટમાં સોગંદનામુ દાખલ કરીને કહ્યું હતું કે બહારનું ખાવાનું લઈ જવાની મંજૂરી આપવાથી સલામતી સંબંધી જોખમ પેદા થશે. મલ્ટિપ્લેક્સના પ્રતિબંધમાં સરકાર કોઈ દખલ નહીં કરે. જસ્ટિસ રંજિત મોરે અને અનુજા પ્રભુદેસાઈની બેન્ચે સરકારને પૂછ્યું કે અન્ય કોઈ જાહેર સ્થળ પર ઘરેથી અથવા ક્યાંયથી પણ ભોજન લઈ જઈ જવા પર પ્રતિબંધ નથી. સરકાર પણ માને છે કે સિનેમા હોલમાં બહારનું ખાવાનું લઈ જતા રોકવા સંબંધી કોઈ કાયદો નથી. ખાવાનું લઈ જવાથી થિયેટરમાં સલામતીનું શું જોખમ છે?


    મલ્ટિપ્લેક્સ એસોસિયેશને કોર્ટને જણાવ્યું કે થિયેટર્સમાં પાણીની સુવિધા મફત છે. ત્યાં વેચાઈ રહેલા બધા પ્રકારના ફૂડ અને બેવરેજના ભાવ પણ 20 ટકા સુધી ઘટાડી દેવાયા છે. આ અંગે હાઈકોર્ટે કહ્યું કે તમારું કામ ફિલ્મ બતાવવાનું છે, ખાવાનું વેચવાનું નહીં. મલ્ટિપ્લેક્સ માલિકોએ કહ્યું - થિયેટરમાં ખાવાનું લઈ જવું મૌલિક અધિકાર નથી


    હવે પછીની સુનાવણી 3 સપ્ટેમ્બરે
    અરજીકર્તાના એડવોકેટ આદિત્ય પ્રતાપે બેન્ચને કહ્યું કે જમ્મુ કાશ્મીર હાઈકોર્ટે થિયેટરમાં બહારથી ખાવાનું લાવવાની મંજૂરી આપી હતી. રાજ્ય સરકાર તરફથી આ ચુકાદા સામે સુપ્રીમ કોર્ટમાં અપીલ થયેલી છે. બેન્ચે તે અંગે કહ્યું કે સુપ્રીમ કોર્ટ શું કહે છે તે જોવું પડશે. આ અંગે 3જી સપ્ટેમ્બરે સુનાવણી થશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Maharashtra

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending