પ. કચ્છમાં ચેરિયાના વાવેતરમાં લાખોના ભ્રષ્ટાચારનો અાક્ષેપ

પશ્ચિમ કચ્છના દરિયાઇ વિસ્તારમાં હાલે વન વિભાગ દ્વારા ચેરિયાનું વાવેતર કરાઇ રહ્યું છે તેમા લાખો રૂપિયાનો ભ્રષ્ટાચાર અાચરાય છે તેવા અાક્ષેપ સાથે રાજ્યપાલ સમક્ષ કરાયેલી રજૂઅાતમાં યોગ્ય તપાસની માગ કરાઇ છે.

લખપત તાલુકાના લક્કી નાળા, રામેન્દ્ર, ગુહર ગામના સમુદ્રી વિસ્તારમાં હાલે ચેરિયાનું વાવેતર કરાઇ રહ્યું છે. અા વનસ્પતિના બીજ કુદરતી રીતે સપ્ટેમ્બર અને અોક્ટોબર માસમાં મળે છે ત્યારે અત્યારે બીજ ન હોવા છતાં ચેરિયાના નામે વાવેતર દર્શાવીને લાખો રૂપિયાનો ભ્રષ્ટાચાર અાચરાઇ રહ્યો છે. જ્યાં વાવેતર થઇ રહ્યું છે તે સંવેદનશીલ વિસ્તાર હોઇ પ્રવેશ નિષેધ હોતાં કોઇ જાગૃત નાગરિક તેના અાધાર પુરાવા પણ અાપી શકે તેમ નથી. વન વિભાગ દ્વારા રજૂ કરાયેલા ખર્ચના વાઉચર, પોલિથિન બેગ અને અોટલાબિટની સ્થળ ચકાસણી કરાય તો સમગ્ર ભાંડો ફૂટી જાય તેમ છે.

સોનલનગરના રહીશ કેસરદાન ગઢવીઅે વધુ અાક્ષેપો કરતાં જણાવ્યું હતું કે, વાહનોના ભાડામાં પણ કટકી કરવામાં અાવે છે. વન કર્મીઅોના મળતિયાઅો દ્વારા સાચા ખોટા વાઉચર ઉધારીને મજૂરો અને વાહન માલિકોને થોડી રકમ અાપીને બાકીના નાણા ચાંઉ કરી જવાય છે. બીઅેસઅેફના રજસસ્ટરમાં વાહનોની અેન્ટ્રી થાય છે તેને ચકાસવામાં અાવે તેવી માગ કરતાં તેમણે યોગ્ય તપાસ માટે રજૂઅાત કરી હતી.