• Home
  • Kutchh
  • Gandhidham
  • બેંકિંગ વિસ્તારમાં પરવાના વિનાની ગન સાથે એક જબ્બે

બેંકિંગ વિસ્તારમાં પરવાના વિનાની ગન સાથે એક જબ્બે

બેંકિંગ વિસ્તારમાં પરવાના વિનાની ગન સાથે એક જબ્બે

DivyaBhaskar News Network

Aug 10, 2018, 02:31 AM IST
ગાંધીધામના બેંકિંગ સર્કલ વિસ્તારમાંથી અન્ય રાજ્યનો હથિયારનો પરવાનો ટેકન ઓવર કરાવ્યા વિના પરવાના વગરની એક 12 બોરની સીંગલ બેરલની ગન અને 6 કાર્ટીઝ સાથે એક શખસને પુર્વ કચ્છ એસઓજીની ટીમે પકડી પાડ્યો હતો.

આ બાબતે એસઓજી પીઆઇ એચ.એલ.રાઠોડે વિગતો આપતાં જણાવ્યું હતું કે, એસઓજીની ટીમ પેટ્રોલિંગમાં હતી ત્યારે મળેલી બાતમીના આધારે બેંકિંગ સર્કલ વિસ્તારમાં આવેલી ફેડરલ બેંક આગળ ઉભેલા મુળ બીહારના બકસરનો હાલે ફ્રી ટ્રેડ ઝોન ગુજરાત હાઉસિંગ બોર્ડમાં રહેતા શંભુ સરનસિંઘ નરસિંઘ રાજપુતને તેની પાસે રહેલી ગન બાબતે પુછપરછ કરી તેનું સાયસન્સ ચેક કરતાં માલુમ પડ્યું હતું કે , આરોપીએ નાગાલેન્ડ રાજ્યમાંથી મેળવેલ હથીયારનો પરવાનો ગુજરાતમાં ટેકન ઓવર ન કરી ગેરકાયદેસર પોતાના કબજામાં રાખી આ જિલ્લામાં ગનમેન તરીકે જુદી જુદી જગ્યાએ નોકરી કરી સરકારના નિયમોનું ઉલ્લંઘન કર્યું હોવાથી આર્મસ એક્ટની કલમ હેઠળ ગુનો નોંધી રૂ.12,000 ની કિંમતની સીંગલ બેરલ 12 બોરની ગન અને રૂ.300 ની કિંમતના 6 કારતુસ મળી રૂ.12,300 નો મુદ્દામાલ કબજે કરી તેની અટક કરી હતી. આ કામગીરીમાં એસઓજી પીઆઇ સાથે પીએસઆઇ વી.આર.ડાંગર, પૃથ્વીસિંહ જાડેજા, દેવાનંદ બારોટ, જગદિશસિંહ સરવૈયા તથા હરવિજયસિંહ જાડેજા જોડાયા હતા.

X
બેંકિંગ વિસ્તારમાં પરવાના વિનાની ગન સાથે એક જબ્બે
COMMENT

Next Stories

    ની  સંપૂર્ણ વાંચનસામગ્રી