• Home
  • Kutchh
  • Gandhidham
  • Gandhidham - માલેતુજાર વેપારીને પોલીસે જેલ હવાલે કર્યો

માલેતુજાર વેપારીને પોલીસે જેલ હવાલે કર્યો

ગાંધીધામ દુષ્કર્મ કેસમાં હાઇકોર્ટનો સ્ટે હટ્યો લગ્નની લાલચ આપી અનેકવાર આચર્યું હતું દુષ્કર્મ

DivyaBhaskar News Network | Updated - Sep 17, 2018, 02:21 AM
Gandhidham - માલેતુજાર વેપારીને પોલીસે જેલ હવાલે કર્યો
ઔદ્યોગિક નગરી ગાંધીધામના માલેતુજાર અગ્રણી વેપારી વિરૂધ્ધ લગ્નની લાલચ આપી અનેક વખત દુષ્કર્મ આચરી છોડી દેવાની ફરીયાદ ભોગ બનનાર યુવતીએ પોલીસમાં કર્યા બાદ આ માલેતુજાર વેપારીએ હાઇકોર્ટમાંથી આ ફરીયાદ ખોટી છે તેવું જણાવી સ્ટે લીધો હતો જેમાં પોલીસ પાસે પુરતા પુરાવા હોવાને કારણે આ સ્ટે કોર્ટે હટાવી લેતાં એ-ડિવિઝન પોલીસે અમદાવાદ સ્થાનિક પોલીસની મદદથી આ વેપારીને પકડી કોર્ટમાં રજુ કર્યો હતો કોર્ટે રીમાન્ડ મંજુર ન કરતાં આ વેપારીને હાલ જેલહવાલે કરી દેવામાં આવ્યા છે.

આ કેસની વીગતો જોઇએ તો ગાંધીધામ ખાતે રહેતા અને અનેક વેપાર-ઉદ્યોગ સાથે સંકળાયેલા હેમંત વિશનજી ઠક્કર ગાંધીધામની યુવતીના સંપર્કમાં વર્ષ-2013 મા઼ આવ્યા હતા અને ત્યારબાદ બે વર્ષ ચાલેલા આ સંધો બાદ હેમંત વિરૂધ્ધ ગાંધીધામની પીડિતાએ લગ્નની લાલચ આપી અનેક વખત દુષ્કર્મ આચર્યું હોવાની ફરિયાદ એડિવિઝન પોલીસ મથકે નોંધાવી હતી.આ માલેતુજાર વેપારીએ આ ફરિયાદ ખોટી છે તેવું જણાવી સ્ટે લીધો હતો પરંતુ હાઇકોર્ટે સ્ટે હટાવી લેતાં એ-ડિવિઝન પોલીસે પીઆઇ ભાવીન સુથારના માર્ગદર્શન હેઠળ કાર્યવાહી શરૂ કરી દીધી હતી અને હેમંત ઠક્કર અમદાવાદ હોવાની બાતમીના આધારે શુક્રવારે અમદાવાદ સ્થાનીક પોલીસની મદદથી ઘી-કાંટા રોડ વિસ્તારમાંથી તેને પકડી કોર્ટમાં રીમાન્ડની માગણી સાથે રજુ કર્યો હતો જ્યાં કોર્ટે રીમાન્ડની માંગણી નામંજુર કરતાં દુષ્કર્મના આરોપી માલેતુજાર વેપારીને ગળપાદર જેલના હવાલે કરવામાં આવ્યો છે.

X
Gandhidham - માલેતુજાર વેપારીને પોલીસે જેલ હવાલે કર્યો
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App