• Gujarati News
  • National
  • ચૂંટણીને લીધે માંડવીની બે બેંકો 4 દિ’ બંધ : લોકો પરેશાન

ચૂંટણીને લીધે માંડવીની બે બેંકો 4 દિ’ બંધ : લોકો પરેશાન

4 વર્ષ પહેલા
  • કૉપી લિંક
રાજ્યવિધાનસભાની ચૂંટણીને અનુલક્ષીને માંડવીની બે બેંકો 4 દિવસ સુધી સ્ટાફના અભાવે બંધ રહેવાની હોતાં લોકો પરેશાનીમાં મૂકાઇ ગયા છે.

માંડવી ચેમ્બર પ્રમુખ વાડીલાલ દોશી, ઉપપ્રમુખ પારસ શાહ, માનદ્દમંત્રી નરેન્દ્ર શાહ, ખજાનચી ચંદ્રસેન કોટક, જેન્તીલાલ શાહ, નવિન બોરીચા, મહેશ લાકડાવાલા, ભાવેશ પીઠડીયા સહિતના અગ્રણીઓએ ચૂંટણી ઓબ્ઝર્વરને કરેલી રજૂઆતમાં જણાવાયા મુજબ ચૂંટણીના પ્રથમ તબક્કાનું મતદાન 9મીએ થવાનું છે ત્યારે પંચ દ્વારા એસબીઆઇ અને દેના બેંકનો મોટાભાગનો સ્ટાફ ચૂંટણી કાર્યવાહીમાં લેવાઇ ગયો હોવાથી બેંકો રવિવાર સુધી બંધ રહેવાની છે.

જો 2-3 કર્મચારીના હિસાબે સ્ટાફ લેવાયો હોત તો લોકોને પણ થોડી જરૂરી સેવાઓ મળી રહેત. ખાસ કરીને એટીએમ કેશલેસ થઇ જાય, લગ્નસરાની મોસમમાં મહિલાઓને લોકરમાં પડેલાં ઘરેણાંઓ પહેરવાના હોય. આવી બાબતો થોડી ધ્યાને લેવાઇ હોત તો લોકોને પરેશાનીનો સામનો કરવો પડત.

અન્ય સમાચારો પણ છે...