• Home
  • Kutchh
  • Bhuj
  • બાળલગ્નો અટકે તો અમારી આંખોમાં જોવાયેલા સપના સાચા પડે

બાળલગ્નો અટકે તો અમારી આંખોમાં જોવાયેલા સપના સાચા પડે

બાળ લગ્નો અટકાવવા અંજાર તાલુકાના ગામોમાં નાટક ભજવાયું

DivyaBhaskar News Network | Updated - Aug 10, 2018, 02:16 AM
બાળલગ્નો અટકે તો અમારી આંખોમાં જોવાયેલા સપના સાચા પડે
કચ્છમાં આજે પણ અસ્તિત્વમાં છે એ બાળ લગ્નો અટકાવવા ખૂબ જરૂરી છે અને તો જ દિકરીઓ પોતાના સ્વપ્નો સાકાર કરી શકશે એવી ભાવના સાથે કચ્છ મહિલા વિકાસ સંગઠન દ્વારા અંજાર તાલુકાના ત્રણ ગામોમાં આજે નાટકના માધ્યમથી સંદેશો આપવામાં આવ્યો હતો.

બાળલગ્નના વિષયે આજે અંજારના ખારા-મીઠા પસાવડીયા, ખંભરા લોહારીયા ગામોમાં કચ્છ મહિલા વિકાસ સંગઠન અને ગામોના યુવા ગ્રુપે મહિલાઓ - પુરૂષો સાથે ચર્ચા કરી આ ગામોના બાળ લગ્નથી થતી અસરો વિશે નાટક પણ રજૂ કરવામાં આવ્યું. આ નાટક ભુજના સ્લમ વિસ્તારની કિશોરીઓએ કર્યું.

બાળ લગ્નો સમાજમાં દબાણે, ગામના મોટી દિકરીની સાથે અેક જ માંડવે થઇ જાય, દિકરીઓ કાંઇક અવનવું કરે એ પહેલાં જ તેમને પરણાવી દો. આમ કેટલાય કારણોની ચર્ચા કરાઇ હતી. દરેક સ્ત્રીઓ - કિશોરીઓએ કહ્યું કે જો અમને પૂછીને મોટી ઉંમરે લગ્ન થાય તો અમારી જિંદગી જ બદલાઇ જાય. આમ, આવા કેટલાય સપના આ દિકરીઓની આંખોમાં છે. જરૂર છે એક તકની. તો આ મુદ્દે સમાજ, પંચાયત, આગેવાનો, દરેક આગળ આવી પગલાં લે તો બાળ લગ્ન ને ચોક્કસ દૂર કરી શકીએ.

X
બાળલગ્નો અટકે તો અમારી આંખોમાં જોવાયેલા સપના સાચા પડે
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App