Divya Bhaskar

Home » Kutchh » Bhuj » Strain the water from the well, so that the grass can be sewed from the valleys

કુવામાંથી પાણી સીંચો એમ ખડીરની ખીણોમાંથી ઘાસ ‘સીંચવું’ પડે છે !

Divyabhaskar.com | Updated - Aug 10, 2018, 03:42 AM

માથા પર ઘાસની પોટલી સાથે ખીણમાંથી બહાર આવવું શક્ય નથી, પશુઓને જીવાડવા પાલકો તમામ શક્તિ ખર્ચી નાંખે છે

  • Strain the water from the well, so that the grass can be sewed from the valleys

    ભુજ: કચ્છમાં ભચાઉ તાલુકાના ખડીર રણદ્વિપની હાલત અનાવૃષ્ટિના કારણે આખા રાજ્યમાં કદાચ સૌથી ખરાબ છે. અહીંની ખીણોમાં શેવાઇ નામનું ઘાસ થાય છે પણ તૃણાહારી પશુઓ વિકટ ખીણોમાં પહોંચી શકતા નથી. પરિણામે, પશુપાલકો આખો દિવસ મથીને એકાદ પોટલી જેટલું ઘાસ એકઠુ કરે છે અને પછી સીધા ચઢાણવાળા રસ્તા પર આ ઘાસને કુવામાંથી પાણી સીંચતા હોય એમ ‘સીંચી’ને બહાર લાવે છે. કારણ કે, માથા પર ઘાસની પોટલી રાખીને આ ખીણમાંથી બહાર આવવું શક્ય જ નથી.


    ખડીર પંથકના અમરાપરના પશુપાલક અને ખેડુત મોહન હીપા મણવરે કહ્યું કે, અહીંથી પાંચેક કિલોમીટર દુર આવેલા ખાડીયા ડુંગરમાં અમે ઘાસ લેવા નીકળી જઇએ અને બપોરે ચારેક વાગે પાછા આવીએ ત્યારે માંડ પાંચ-સાત કિલો ઘાસ એકઠુ થાય છે. આ ઘાસ સાથે નદી-નાળા અને ડુંગરાળ વિસ્તારના ચઢાવ-ઉતાર પસાર કરીને અમરાપર ગામે પહોંચીએ છીએ. હવે વરસાદની આશા નથી અને કદાચ વરસાદ થાય તો પણ ઘાસ તૈયાર થતા એકાદ મહીનો નીકળી જાય ત્યાં સુધી પશુઓને ખવડાવવુ શું? પશુપાલકોની આ વ્યથા ખોટી નથી.

    પશુઓની અહીંયા બહોળી સંખ્યા હોવાથી ખડીર ‘ઢોરીયા મુલક’ તરીકે ઓળખાય છે. આમ છતાં, ભુગર્ભ જળથી સિંચાઇ થતી હોય તેવો વિસ્તાર બહુ ઓછો છે. મોટાભાગનો વિસ્તાર વરસાદ આધારિત છે, નર્મદા કેનાલ પણ અહીં સુધી પહોંચી નથી. પરિણામે, ખડીરમાં ખડ(ઘાસ)ની વ્યવસ્થા યુદ્ધના ધોરણે કરવી જરૂરી બની છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Kutchh

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending