• Home
  • Kutchh
  • Gandhidham
  • વલ્લભ ભટ્ટ રચિત ગરબામાં આજની સામાજિક સમસ્યાઓનું વર્ણન

વલ્લભ ભટ્ટ રચિત ગરબામાં આજની સામાજિક સમસ્યાઓનું વર્ણન

વલ્લભ ભટ્ટ રચિત ગરબામાં આજની સામાજિક સમસ્યાઓનું વર્ણન

ભાસ્કર ન્યૂઝ . અમદા | Updated - Oct 17, 2010, 04:05 AM
વલ્લભ ભટ્ટ રચિત ગરબામાં આજની સામાજિક સમસ્યાઓનું વર્ણન
આજથી ૩૦૦ વર્ષ પૂવે gઇ.સ.૧૭૨૭માં વલ્લભ ભટ્ટે રચેલી ગરબાવલીના ગરબામાં તત્કાલીન સમયની પરિસ્થિતિ અને હાલની પરિસ્થિતિમાં ઘણી સામ્યતા છે.આ ગરબામાં આજની સામાજિક સમસ્યાઓનું વર્ણન જોવા મળે છે. જનકલ્યાણ માટે લખાયેલો અને છઢ્ઢી નવરાત્રીએ ગવાતો આ ગરબો સાંભળનાર અને ગાનાર બંનેએ ફરજિયાત દાન કરવાનો પણ ઉલ્લેખ કરીને દાનનું મહત્વ પણ સમજાવીને પ્રજાને સંદેશ આપવાનો પ્રયાસ કરાયો છે.
પ્રાચીન વસ્તુઓ અને દસ્તાવેજોનો સંગ્રહ કરવાનો શોખ રાખતા ભાસ્કરભાઇ દવેએ જણાવ્યું હતું કે, વલ્લભ ભટ્ટે રચેલા અને તેમના ભાઇ ધોળાભાઇને હસ્તે ‘કળીચાલનો ગરબો’ નામથી લખાયેલી ગરબાવલીમાં નવરાત્રિના અલગ-અલગ ગરબા છે. જેમાં છઢ્ઢી નવરાત્રી માટે લખાયેલા ૬૪ મુકતકના ગરબામાં તત્કાલીન સામાજિક પરિસ્થિતિનો ચિતાર છે, જે આજની પરિસ્થિતિ સાથે મળતી આવે છે. ગરબામાં ‘કાળ-દુકાળ આવ્યા હો બહુચરી, પ્રજા ન પ્રીચે જાય, કુમાર્ગે સર્વે કુળ છે હો બહુચરી, સારો ત્યજો માર્ગ, વ્યભિચારી વધ્યા નથી વડીલોની લાજ, પૈસા માટે સ્ત્રી પરપુરુષ માટે ગઇ છે, વય વિના કર્યા ગર્ભધારણ, વય વિનાના વેશમાં હો બહુચરી ધારે ગર્ભ અનેક’ મુકતકો દ્વારા સમાજની પરિસ્થિતિનો તાગ આપ્યો છે.
ઇ.સ. ૧૭૦૦ અને હાલની પરિસ્થિતિમાં સામ્યતા
આ ગરબામાં નાની વયે ગર્ભધારણ, પૈસા માટે સ્ત્રીનું પરપુરુષ ગમન, માણસોને ભોળવી થાપણ લઇ લેવી, પાપથી પ્રાપ્ત કરેલા ધનનો પાપમાં ઉપયોગ, ચોર -ચાડિયાને કારણે નગર નિર્ધન થયું, ભૂખમરાને કારણે લોકોનાં શરીર લાકડા જેવા થયાં, છળ-કપટ, પાપ-પ્રપંચ વધ્યા, તેનાં વિશે પણ ઉલ્લેખ કરાયો છે.

X
વલ્લભ ભટ્ટ રચિત ગરબામાં આજની સામાજિક સમસ્યાઓનું વર્ણન
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App