Home » Tirth Darshan » ભગવાન શિવે ગુજરાતની આ જગ્યાએ અત્રિવંશમાં લીધો હતો અવતાર | Descent of Lord Shiva born in Gujarat Kayavarohan

ગુજરાતનું કાશી ગણાતું કાયાવરોહણ, શિવજીએ અત્રિવંશમાં લીધો હતો અવતાર

Divyabhaskar.com | Updated - Jun 11, 2018, 06:08 PM

શિવજી આ અવતારના હાથમાં લકુટ એટલે દંડ હોવાથી લકુલીશ નામે જાણીતા થયા

  • ભગવાન શિવે ગુજરાતની આ જગ્યાએ અત્રિવંશમાં લીધો હતો અવતાર | Descent of Lord Shiva born in Gujarat Kayavarohan
    +2બીજી સ્લાઈડ્સ જુઓ

    ધર્મ ડેસ્ક, અમદાવાદઃ કાયાવરોહણની 68 મહાતીર્થોમાં ગણના થાય છે. ભૃગુ અને અત્રિ જેવા મહર્ષિઓના તપના કારણે આ તીર્થ સિદ્ધપીઠ તેમજ શક્તિપીઠ ગણાય છે. વડોદરાથી ભરૂચ તરફ 20 કિ.મી.ના અંતરે પોર નામનું બળિયાદેવનું ધામ આવેલું છે. ત્યાંથી આ તીર્થ 10 કિ.મી. દૂર છે. આ પુરાતન નગરી સતયુગમાં ઇચ્છાપુરી, ત્રેતાયુગમાં માયાપુરી અને દ્વાપરયુગમાં મેઘાવતી તરીકે પ્રખ્યાત થઇ છે.

    દ્વાપરની આ નગરી કળિયુગમાં કાયાવરોહણ તરીકે ખ્યાતિ પામી તે કથા પણ જાણવા જેવી છે. કળિયુગના પ્રારંભે શિવજીના (28)મા અવતારે અત્રે અત્રિવંશમાં માનવ શરીરમાં અવરોહણ એટલે અવતાર ધારણ કર્યો.

    કાયામાં પ્રગટ્યા તેથી કાયાવરોહણ. આ અવતારીના હાથમાં લકુટ એટલે દંડ હોવાથી લકુલીશ નામે જાણીતા થયા. એમનો અવતારી હેતુ શિવધર્મ પ્રચાર-પ્રસાર ને યોગનો ફેલાવો કરવાનો હતો. પોતાના શિષ્યોને ભારતમાં મોકલી, હેતુકાર્ય પાર પાડ્યું. બાર જ્યોતિર્લિંગનો વહીવટ અહીંથી થવા લાગ્યો. દેશ-વિદેશથી જ્ઞાનપીપાસુ યાત્રાળુ આવવા લાગ્યા.

    3000 વર્ષ પહેલાં આ મહાતીર્થ ધાર્મિક પ્રવૃત્તિથી ધમધમવા લાગ્યું. આ સુવર્ણ સમય હતો. લકુલીશજીને અવતારકાર્ય સંપન્ન લાગ્યું. તેથી પોતે સ્થૂળ શરીર છોડી, તેજોમય દેહે લિંગમાં વિલીન થઇ ગયા. શ્રદ્ધાળુઓ અનિમેષ દૃષ્ટિથી જોઇ રહ્યા. બીજી જ ક્ષણમાં શિવલિંગના અગ્ર ભાગમાં લકુલીશ મૂર્તિ સ્વરૂપે ઊભરી આવ્યા.

    આજે પણ સાંભવી મુદ્રામાં દૃશ્યમાન છે. દેવખાત જળાશય પાસેના જૂના મંદિરમાં રહેલી આ લિંગમૂર્તિ નવા મંદિરમાં આવી, તે ઘટના રસપ્રદ અને રહસ્યમય છે. આજથી લગભગ 1000 વર્ષ પહેલાં આ લિંગમૂર્તિ સલામતી માટે ભૂગર્ભમાં ચાલી ગઇ. 24મી મે ઇ.સ. 1866માં આ જ્યોતિર્લિંગ બહાર પ્રગટ થયું. ગ્રામજનોએ તેને સાચવી રાખ્યું. ઇ.સ. 1944માં પૂજ્ય બાપુજી (સ્વામી કુપાલ્વાનંદજી) ધાર્મિક કાર્ય માટે કાયાવરોહણ પધાર્યા. ત્યાં મૂર્તિનાં દર્શન થયાં, ને લકુલીશજીના સ્વરૂપને ઓળખી લીધા. દર્શનની રાત્રે બાપુજીને મહાતીર્થના પુનરોદ્ધારનો આદેશ મળ્યો. આ જવાબદારી પૂર્ણ કરવા, તીર્થસેવા સમાજની સ્થાપના કરવામાં આવી. સને 1968માં દ્વારકા શંકરાચાર્યજીએ નવા મંદિરની શિલાન્યાસ વિધિ કરીને એમના જ કરકમળોથી સને 1974માં પ્રાણ-પ્રતિષ્ઠા સંપન્ન થઇ.


    જનકલ્યાણ અને યોગની પ્રવૃત્તિથી આ તીર્થ બારેમાસ ધમધમે છે. અતિથિગૃહ, ભોજનાલય અને પૂજા-અર્ચના માટે વ્યવસ્થા છે. તીર્થનો લાંબો પહોળો રમણીય વિસ્તાર છે. મંદિરની ચારેબાજુ હરિયાળી છે. સાથે રંગીન ફુવારા છે. જિજ્ઞાસુ માટે પુસ્તકભંડાર છે. દર્શનાર્થીઓ નવી આશા, તાજગી ને શ્રદ્ધાથી કૃતકૃત્ય થઇ જાય છે. કાયાવરોહણ રાષ્ટ્રીય ધોરીમાર્ગ 8 પર વડોદરા અને કરજણ વચ્ચે આવેલા પોરથી જઇ શકાય છે. અહીં જવા માટે વડોદરાથી એસ.ટી.-ની સગવડ છે.

    (દેવેન્દ્ર વ્યાસ, શ્રદ્ધા ધામ, દિવ્યભાસ્કર, ધર્મ દર્શન પૂર્તિમાંથી)

  • ભગવાન શિવે ગુજરાતની આ જગ્યાએ અત્રિવંશમાં લીધો હતો અવતાર | Descent of Lord Shiva born in Gujarat Kayavarohan
    +1બીજી સ્લાઈડ્સ જુઓ
    દૂરથી સુંદર ભાસતું કાયાવરોહણ શિવમંદિર
  • ભગવાન શિવે ગુજરાતની આ જગ્યાએ અત્રિવંશમાં લીધો હતો અવતાર | Descent of Lord Shiva born in Gujarat Kayavarohan
    કાયાવરોહણ મંદિરની અંદરનું શિવલિંગ
(Rashi Aur Niddan Gujarati News) સાથે જોડાયેલા અન્ય (Jyotish Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in
(Read News in Gujarati from Divya Bhaskar)

More From Tirth Darshan

Trending

વીડિયો વધુ જુઓ