Divya Bhaskar

Home » Jyotish » Rashi Aur Niddan » Special Experiments Overcoming Marriage Delays

લગ્ન વિલંબ દૂર કરતા વિશેષ પ્રયોગો

Divyabhaskar.com | Updated - Aug 08, 2018, 10:10 PM

અગ્નિ મહાપુરાણના 18મા અધ્યાયમાં વર્ણિત ગૌરી પ્રતિષ્ઠા વિધિનો પ્રયોગ કરવો

  • Special Experiments Overcoming Marriage Delays

    શિવરાત્રિના દિવસે જે મંદિરમાં શિવ-પાર્વતી વિવાહનું અનુષ્ઠાન થવાનું હોય ત્યાં લગ્ન ઇચ્છુક કન્યાએ જઈને શિવ-પાર્વતી લગ્નની આખી વિધિ જોવી લગ્નયોગ્ય યુવક કે યુવતીનાં લગ્ન કોઈ કારણસર ન ગોઠવાઈ રહ્યાં હોય અથવા લગ્નમાં કોઈ પ્રકારની બાધાઓ કે અંતરાયો આવતાં હોય ત્યારે જ્યોતિષશાસ્ત્રોમાં વર્ણિત નીચેના સરળ ઉપાયો કરવાથી લગ્ન આડેના વિલંબ દૂર થશે અને શીઘ્ર વિવાહના યોગ સર્જાશે.

    * અગ્નિ મહાપુરાણના 18મા અધ્યાયમાં વર્ણિત ગૌરી પ્રતિષ્ઠા વિધિનો પ્રયોગ કરવો.
    * નીચે જણાવેલા ગંધર્વરાજ મંત્રનો દસ હજારની સંખ્યામાં જાપ કરવો. આના માટે કોઈ ચોક્કસ સમયાવધિ નથી.

    મંત્ર : ૐ ક્લીં વિશ્વાસુર્નામ ગંધર્વ: કન્યાનામધિપતિ:|
    લભામિ દેવદત્તાં કન્યાં સુરુપાં સાલંકારાં તસ્મૈ
    વિસઅ‌ાવસવે સ્વાહા||


    * શીઘ્ર વિવાહ માટે યુવકોએ નીચે લખેલા મંત્રનો 108 વાર એટલે કે એક માળાજાપ દરરોજ કરવો. માતા દુર્ગા-ગૌરીનું શ્રદ્ધાપૂર્વક પૂજન કરવું.
    મંત્ર :

    પત્નીં મનોરમાં દેહિ મનોવૃત્યાનુસારિણીમ્|
    તારિણીં દુર્ગસંસારસાગરસ્ય કુલોદ્વવામ્||

    * કનકધારા સ્તોત્રના 21 પાઠ સતત 90 દિવસ સુધી કરવા.
    * મંગલસ્તોત્રનો દરરોજ 21 વખત જાપ કરવો.
    * સૌભાગ્યાષ્ટોત્તર શતનામ સ્તોત્રનો પાઠ કરવો.
    * મંગળયંત્રની વિધિપૂર્વક સ્થાપના કરીને દરરોજ પૂજન કરવું.
    * કર્મકાંડી બ્રાહ્મણ પાસે કન્યાનો કુંભ અથવા વિષ્ણુ વિવાહ કરાવવો. આ પ્રયોગ કે વિધિની શક્ય તેટલી જાણ કોઈને ન થાય તેનું ખાસ ધ્યાન રાખવું.
    * સૌંદર્ય લહરી (શ્લોક 1-27)નો પાઠ કરવો.
    * સાવિત્રી વ્રતનું શ્રદ્ધાપૂર્વક અનુષ્ઠાન કરવું.

    * સૂંઠ, વરિયાળી, કંકુ, લાલ ફૂલ, સિંગરક, માલકંગની અને લાલ ચંદન સરખા પ્રમાણમાં લઈને તેને જળમાં મેળવીને તે જળથી સ્નાન કરવું જોઈએ.
    * શ્રીરામદરબાર ચિત્રનું પંચોપચાર પૂજન કર્યા પછી નીચે જણાવેલા દોહાનો 21 વખત જાપ કરવો.

    દોહા :

    તબ જનક પાઈ વશિષ્ઠ આયસુ બ્યાહ સાજ સંવારિ કૈ|
    માંડવી શ્રુતિકીરતિ ઉરમિલા કુઁઅરિ લઈ હઁકારિ કૈ||

    * શ્રીરામ અને જાનકીજીના વિવાહ

    * પ્રસંગનો પાઠ કરવાથી વિવાહ જલદી ગોઠવાય છે.

    * રામચરિત માનસના શિવ-પાર્વતી વિવાહ પ્રસંગનો 11 સોમવાર શ્રદ્ધાપૂર્વક પાઠ કરવો.

    * નીચે બનાવેલા યંત્રને ભોજપત્ર પર દાડમની કલમ અને અષ્ટગંધની સ્યાહીથી લખો ત્યારબાદ હળદરની માળાથી ‘ૐ હ્રીં હં સ:’ મંત્રનો 1100ની સંખ્યામાં જાપ કરો. જાપ કરો તે દરમિયાન તલના * તેલનો દીવો પ્રગટાવેલો રાખો. જાપ પૂરા થાય પછી મનોમન શીઘ્ર વિવાહ માટે ભગવાનને પ્રાર્થના કરવી.

    * શિવરાત્રિના દિવસે જે મંદિરમાં શિવ-પાર્વતી વિવાહનું અનુષ્ઠાન થવાનું હોય ત્યાં લગ્ન ઇચ્છુક કન્યાએ જઈને શિવ-પાર્વતી લગ્નની આખી વિધિ જોવી. આ વિવાહોત્સવમાં ‘લાજા’ (આખી ડાંગર)ને * વિખેરવામાં આવે છે. કન્યાએ પ્રાત:કાળે મંદિરમાં જઈને ત્યાંથી લાજાના 11 દાણા લઈને ખાઈ લેવા. આ પ્રયોગના પ્રભાવે તેના શીઘ્ર વિવાહના યોગ સર્જાશે.

(Rashi Aur Niddan Gujarati News) સાથે જોડાયેલા અન્ય (Jyotish Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in
(Read News in Gujarati from Divya Bhaskar)

More From Jyotish

Trending