યુએઈમાં લશ્કરી વિમાન તૂટી પડતાં બેના મોત

યુનાઈટેડ અરબ અમિરાત (યુએઈ) એરફોર્સનું ટ્રેનર વિમાન ટ્રેનિંગ ફલાઈટ વખતે તૂટી પડતાં પાયલોટ અને કો-પાયલોટના મોત થયા હતા.

યુએઈના આર્મ્ડ ફોર્સના જનરલ કમાન્ડે આ ઘટનાને સમર્થન આપતાં જણાવ્યું હતું કે અકસ્માતના કારણો જાણવા સક્ષમ સત્તા ઘટનાસ્થળે તપાસ કરી રહી છે.

નિવેદનમાં વિમાન ક્યાં તૂટી પડ્યું હતું કયું વિમાન હતું તે જણાવવામાં આવ્યું ન હતું. સપ્ટેમ્બરમાં યુએઈનું લશ્કરી વિમાન તૂટી પડતાં એક ક્રૂ મેમ્બર અને જૂનમાં ટ્રેનિંગ વખતે જેટ વિમાન તૂટી પડતાં પાયલોટનું મૃત્યુ થયું હતું.