ઇન્ટરનેશનલ ડેસ્ક: ચીનમાં દુનિયાનો સૌથી લાંબો દરિયાઈ બ્રિજ બનીને તૈયાર થઇ ગયો છે. આ વર્ષે તેને લોકો માટે ખુલ્લો મુકવામાં આવશે.55 કિમી લાંબો આ બ્રિજ હોંગકોંગ, મકાઉ અને ચીનને જોડે છે. આ બ્રિજના નિર્માણમાં 4,20,000 ટન સ્ટીલનો ઉપયોગ થયો છે, જેનાથી લગભગ 60 એફિલ ટાવર્સ બનાવી શકાય છે. આ પ્રોજેક્ટ માટે કામ કરતા એક ઓફિસરે જણાવ્યું હતું કે આ કામમાં કેટલી તકલીફો અને હેરાનગતિઓ આવી કે
એન્જીનીયર અને વર્કર સતત 4 રાત સુધી ઊંઘી શક્યા ન હતા.
- બ્રિજના મેનેજમેન્ટ બ્યૂરોના ડાયરેક્ટરએ આ વર્ષે જ તેના ખુલ્લા કરવાની વાત કરી છે. આ બ્રિજના ખુલ્યા પછી હોંગકોંગથી ઝુહાઈની વચ્ચે લાગતા 3 કલાકમાંથી 30 મિનીટનો સમય બચશે
- આ બ્રિજના નિર્માણમાં 109621 કરોડ રૂપિયાનો ખર્ચ આવ્યો છે. ત્યાં જ તેની મજબૂતી માટે બ્રિજમાં નિર્માણ દરમિયાન 420,000 ટન સ્ટીલ લગાવવામાં આવ્યું છે.
- પર્લ નદી પર બનેલો આ બ્રિજ 6 લેન પહોળો છે. આ સૌથી લાંબો પુલ પાણીની અંદર સુરન્ગમાંથી પણ પસાર થશે અને તે સુરંગની લંબાઈ ૬.૭ કિમી છે. આ સુરંગને બનાવવામાં લગભગ 80,000 ટન પાઈપ્સનો ઉપયોગ થયો છે.
અનેક રાતો સૂતા નથી એન્જીનીયર્સ
- પ્રોજેક્ટના લીડીંગ એન્જીનીયર યિન હીકીન્ગે જણાવ્યું કે સમુદ્રમાં પહેલા ટ્યુબને નાખવામાં 96 કલાક લાગી ગયા હતા. આ દરમિયાન કેટલાયે એન્જીનીયર્સ અને વર્કર્સ ઊંઘી શક્યા નહોતા.
7 લોકોના જીવ પણ ગયા
- 2011માં બ્રિજનું નિર્માણ શરુ થયા બાદ તેમાં 7 વર્કર્સના મોત થઇ ગયા હતા અને 129 લોકો જખમી થયા હતા.
આગળ જુઓ આ ભવ્ય બ્રિજની તસવીરો...
