તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

પાક-ચીને પહેલીવાર PoKમાં કર્યું પેટ્રોલિંગ, ભારતે કહ્યું: આગ સાથે ન રમાય

5 વર્ષ પહેલા
  • કૉપી લિંક
નવી દિલ્હીઃ કાશ્મીરમાં શાંતિ ન સ્થપાય તે માટે પાકિસ્તાન સતત એન્ટી-ઇન્ડિયા એક્ટિવિટી ચલાવી રહ્યું છે. આતંકી બુરહાન વાનીને શહીદ ગણાવતા, હાફિઝ સઈદ દ્વારા રેલી કાઢી અને 19 જુલાઇએ બ્લેક ડે મનાવી પાકિસ્તાને ફરી ભારતને ઉશ્કેર્યું છે. આ વખતે તેને ચીનનો સાથ મળ્યો છે. પાક અને ચીનની આર્મીએ પાકિસ્તાનના કબજાવાળા કાશ્મીર (PoK)માં પહેલીવાર એકસાથે પેટ્રોલિંગ કર્યું. પાકની આવી હરકતો પર રાજનાથ સિંહે ગુરુવારે સંસદમાં કહ્યું કે, અમારા પડોશીની સ્વર્ગ સમાન કાશ્મીર પર ખરાબ નજરો છે. પાક નાપાક હરકતો કરી રહ્યું છે. અટલજીએ કહ્યું હતું કે, આગની રમત ખરાબ હોય છે. બીજાના ઘરમાં આગ લગાવવાનું સપનું પોતાના જ ઘરમાં સમસ્યા લાવે છે.
પીઓકેમાં એક્ટિવ થવાના સતત પ્રયત્નો કરી રહ્યું છે ચીન

- ચીન પીઓકેમાં એક્ટિવ થવાના સતત પ્રયત્નો કરી રહ્યું છે. 2014માં પણ ચીની સૈન્ય અહીંયા દેખાયું હતું, પરંતુ ત્યારે માત્ર ચીનનું જ સૈન્ય ત્યાં હાજર હતું. આ વખતે પહેલીવાર એવું બન્યું છે કે, ચીન અને પાકિસ્તાને ત્યાં જોઇન્ટ પેટ્રોલિંગ કર્યું છે.
- ચીનની પીપલ્સ લિબરેશન આર્મી (PLA)એ પીઓકેમાં પાકિસ્તાનની બોર્ડર પોલીસની ટીમ સાથે જોઇન્ટ પેટ્રોલિંગ કર્યું.
- તેના કેટલાંક ફોટો ચીનના ઇંગ્લિશ મીડિયા પીપલ્સ ડેઇલીમાં પબ્લિશ થયા છે. જોઇન્ટ પેટ્રોલિંગ શિનજાંગ બોર્ડર પર થયું. આ વિસ્તાર PoK બોર્ડર પર છે.
- ઉલ્લેખનીય છે કે, પાકિસ્તાનના કબજાવાળા કાશ્મીરને ચીન 'પાકિસ્તાન એડમિનિસ્ટર્ડ કાશ્મીર' કહે છે. જ્યારે જમ્મુ કાશ્મીરને તેઓ 'ભારત શાસિત કાશ્મીર' કહે છે.
- ચીન શિનજિયાંગથી પીઓકેમાંથી પસાર થઇને ગવદાર પોર્ટ સુધી 46 બિલિયન ડોલરનો કોરિડોર બનાવવામાં લાગ્યું છે.
- ભારતે આ અંગે નારાજગી પણ વ્યક્ત કરી છે. ચીનનું કહેવું છે કે, આ કોરિડોર પૂર્ણ રીતે કમર્શિયલ હશે.
ભારતે કહ્યું: પાકિસ્તાન આતંકવાદને પ્રોત્સાહન આપે છે

- આ દરમિયાન ગુરુવારે ભારતે કહ્યું કે, પાકિસ્તાન આતંકવાદને પ્રોત્સાહન આપી રહ્યું છે.
- વિદેશ મંત્રાલયે એક સ્ટેટમેન્ટમાં કહ્યું કે, પાકિસ્તાન અમારા દેશના લોકોને ભડકાવીને આતંકવાદને પ્રોત્સાહન આપવાની નીતિ બંધ કરવી જોઇએ.
- તેને અમારી આંતરિક બાબતોમાં દખલ કરવાનો કોઇ હક નથી.
- ગત બે દિવસોથી પાકિસ્તાનમાં જમ્મુ-કાશ્મીરના સમર્થનમાં રેલી અને નિવેદનબાજી કરવામાં આવી રહી છે, જે ખોટું છે.
સ્લાઇડ બદલોને જુઓ પેટ્રોલિંગ કરતાં પાક-ચીનના સૈનિકોનો ફોટો
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- થોડા રચનાત્મક તથા સામાજિક કાર્યોમાં તમારો મોટાભાગનો સમય પસાર થશે. મીડિયા તથા સંપર્ક સૂત્રોને લગતી ગતિવિધિઓમાં તમારું વિશેષ ધ્યાન કેન્દ્રિત રાખો, તમને કોઇ મહત્ત્વપૂર્ણ સૂચના મળી શકે છે. અનુભવ...

    વધુ વાંચો