Divya Bhaskar

Home » International News » Pakistan » US drone strike was conducted inside Afghan territory

15 દિવસમાં પાક. પર USનો બીજો ડ્રોન હુમલો, તાલિબાની કમાન્ડર સહિત 3 આતંકીનાં મોત

Divyabhaskar.com | Updated - Feb 09, 2018, 05:05 PM

વજિરીસ્તાનમાં પાકિસ્તાન-અફઘાન સીમા પર અમેરિકન ડ્રોન હુમલામાં ત્રણ સંદિગ્ધ આતંકવાદીઓનાં મોત થયા છે.

  • US drone strike was conducted inside Afghan territory
    +1બીજી સ્લાઈડ્સ જુઓ
    આ ડ્રોન હુમલામાં તહરીક-એ-તાલિબાન પાકિસ્તાન (ટીટીપી)ના પ્રમુખ સજના મહેસૂદનું પણ મોત થયું છે (ફાઇલ)

    ઇન્ટરનેશનલ ડેસ્કઃ અમેરિકાએ એકવાર ફરીથી પાકિસ્તાન-અફઘાનિસ્તાન બોર્ડર પર આતંકવાદી ઠેકાણાંઓ પર ડ્રોનથી હુમલો કર્યો છે. ડ્રોન હુમલામાં ત્રણ આતંકવાદીઓનાં મોત થયા છે. પાકિસ્તાની મીડિયા રિપોર્ટ્સ અનુસાર, શુક્રવારે ઉત્તર વજિરીસ્તાનમાં પાકિસ્તાન-અફઘાન સીમા પર અમેરિકન ડ્રોન હુમલામાં ત્રણ સંદિગ્ધ આતંકવાદીઓનાં મોત થયા છે. જેમાં એક તહરીક-એ-તાલિબાન પાકિસ્તાન (ટીટીપી)ના પ્રમુખનો પણ સમાવેશ થાય છે, જેના ઉપર પ્રતિબંધ લગાવવામાં આવ્યો હતો.


    - મીડિયા રિપોર્ટ્સ અનુસાર, માર્યા ગયેલા ટીટીપી આતંકવાદીની ઓળખ સજના મહેસૂદ તરીકે થઇ છે. જેને હાલમાં જ તહરીક-એ-તાલિબાન પાકિસ્તાનનો પ્રમુખ બનાવવામાં આવ્યો હતો.
    - જ્યારે બે અન્ય માર્યા ગયેલા સંદિગ્ધ આતંકવાદી પ્રતિબંધિત આતંકવાદી સંગઠન હક્કાની નેટવર્કના હોવાની જાણકારી છે. જેમાંથી એકની ઓળખ નાઇબ અમીરના નામથી થઇ છે.

    આગળની સ્લાઇડમાં જાણો, અગાઉ ક્યારે થયા હતા ડ્રોન હુમલા...

  • US drone strike was conducted inside Afghan territory
    આ વર્ષે 17 જાન્યુઆરીના રોજ પણ અમેરિકા દ્વારા આવી જ કાર્યવાહી કરવામાં આવી હતી (ફાઇલ)

    - ઉલ્લેખનીય છે કે, આ પહેલાં 25 જાન્યુઆરીના રોજ અમેરિકાએ પાકિસ્તાન-અફઘાનિસ્તાન બોર્ડર પર ડ્રોનથી હુમલો કરીને હક્કાની નેટવર્કના 2 કમાન્ડર સહિત 2 આતંકવાદીઓને મોતને ઘાટ ઉતારી દીધા હતા. 
    - આ વર્ષે 17 જાન્યુઆરીના રોજ પણ અમેરિકા દ્વારા આવી જ કાર્યવાહી કરવામાં આવી હતી. 17 જાન્યુઆરીના રોજ આ વર્ષના પહેલાં ડ્રોન હુમલામાં ખુર્રમ એજન્સીના બાદશાહ કોટ વિસ્તારમાં એક વ્યક્તિ ગંભીર રીતે ઘાયલ થઇ ગયો હતો. 
    - ગયા વર્ષે ઓગસ્ટમાં અમેરિકન પ્રેસિડન્ટ ડોનાલ્ડ ટ્રમ્પની નવી અફઘાન નીતિ બાદ ખુર્રમ એજન્સીમાં ડ્રોન હુમલામાં વધારો થયો છે. આ નીતિમાં પાકિસ્તાન પર આતંકવાદીઓને સુરક્ષિત ઠેકાણાંઓનો આરોપ પણ લગાવવામાં આવ્યો છે. 
    - ઉલ્લેખનીય છે કે, 2016માં આવા હુમલામાં તાલિબાનનો ચીફ આતંકી મુલ્લા અખ્તર મન્સૂરનું મોત થયું હતું. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending